ৰাজ্যবাসীৰ বাবে সু-খবৰ, চিৰিয়াখানাত কেশৰীয়ে জন্ম দিলে ৪টা সিংহৰ পোৱালি

Kakali Deka August 12, 2025

ডিজিটেল ডেস্কঃ  ৰাজ্যবাসীৰ বাবে সু-খবৰ। অসম ৰাজ্যিক চিৰিয়াখানাত জন্ম পালে চাৰিটা সিংহ পোৱালি। বন মন্ত্রী চন্দ্রমোহন পাটোৱাৰীয়ে এই সুখবৰ সদৰী কৰিছে। তেওঁ প্ৰকাশ কৰা মতে, যোৱা ২৪ জুলাইত কেশৰী নামৰ সিংহিনীজনীয়ে জন্ম দিয়ে চাৰিটা পোৱালি।

এয়া আমাৰ বাবে অত্যন্ত আনন্দৰ বতৰা বুলি উল্লেখ কৰি মন্ত্ৰীগৰাকীয়ে লগতে কয় যে আমাৰ মৰমৰ এছিয়াটিক সিংহিনী কেশৰীয়ে অসম ৰাজ্যিক চিৰিয়াখানাত চাৰিটা সুস্থ পোৱালি জন্ম দিয়াৰ ফলত চিৰিয়াখানাৰ গৌৰৱ এতিয়া আৰু অধিক বৃদ্ধি পাব। এছিয়াটিক সিংহ (Panthera leo persica) হৈছে বিলুপ্তপ্রায় প্রজাতি আৰু ই ভাৰতৰ স্থানীয় প্রজাতি।

Share This