কামপুৰত তামোলৰ বাবেই নৃশংস হত্যাকাণ্ড 

Kakali Deka August 01, 2025

ডিজিটেল ডেস্কঃ তামোলৰ বাবেই  কাল হ'ল এজনৰ । তামোলৰ বাবেই কামপুৰত প্ৰাণ গ'ল এজন লোকৰ । এই ঘটনাটো সংঘটিত হৈছে কামপুৰৰ তেঁতেলীসৰাত । 

তেতেলীঁসৰাৰ এঘৰৰ টিনৰ ওপৰত তামোলৰ কলি পৰাক কেন্দ্ৰ কৰি সংঘটিত হৈছে চাঞ্চল্যকৰ হত্যাকাণ্ডটো । 

অভিযোগ অনুসৰি, সীমামূৰীয়া খগেশ্বৰ ভূঞাৰ ঘৰৰ টিনৰ ওপৰত তামোলৰ কলি পৰে আৰু খগেশ্বৰ ভূঞাই সেয়া তামোলৰ কলিৰ পৰিৱৰ্তে সম্বন্ধীয় ভাতৃ কৃষ্ণ ভূঞাই শিলগুটি দলিওৱা বুলি ভাবে । যাৰ বাবে খঙৰ ভমকত খগেশ্বৰ ভূঞাই কোৰেৰে মৰিয়াই মূৰত গুৰুতৰভাৱে আহত কৰে সম্বন্ধীয় ভাতৃ কৃষ্ণ ভূঞাক । 

সম্বন্ধীয় ভাতৃৰ আক্ৰমণত আহত কৃষ্ণ ভূঞাক ততাতৈয়াকৈ GMCH ত ভৰ্তি কৰে । ভৰ্তি কৰাৰ কিছুসময় পাছতেই  মৃত্যু হয় কৃষ্ণ ভূঞাৰ‌।
হত্যাকাণ্ডত অভিযুক্ত খগেশ্বৰ ভূঞাক ইতিমধ্যে কামপুৰ আৰক্ষীয়ে গ্ৰেপ্তাৰ কৰি আৰম্ভ কৰিছে তদন্ত ।

Share This