৮ বছৰত ৰাজ্যত আৰক্ষীৰ গুলীত ১০৫জন নিহত

dainik janambhumi March 25, 2025

ডিজিটেল ডেস্ক : বিজেপিয়ে অসমত চৰকাৰ গঠন কৰাৰ পাছত ২০১৬ চনৰ মে' মাহৰ পৰা যোৱা ডিচেম্বৰ মাহলৈকে মুঠ ১৯৯জন লোক আৰক্ষীৰ গুলীত আহত হোৱাৰ লগতে ১০৫জন লোক নিহত হৈছে। 

২০২২ চনত সর্বাধিক ২৭জন লোক নিহত হোৱাৰ বিপৰীতে ২০২১ চনত সর্বাধিক ৬৫জন লোক আহত হৈছে। এই তথ্য অসম বিধানসভাত প্ৰকাশ কৰিছে গৃহ বিভাগৰ দায়িত্বত থকা মুখ্যমন্ত্রী ড° হিমন্ত বিশ্ব শর্মাই। আনহাতে, এই সময়ছোৱাত অসম আৰক্ষীৰ জিম্মাতো বহুকেইজন লোকৰ মৃত্যু হৈছে।

 ড° শৰ্মাই প্রকাশ কৰা মতে, বিজেপি চৰকাৰৰ দিনত আৰক্ষীৰ জিম্মাত ১৫২জন লোক আহত হোৱাৰ বিপৰীতে নিহত হৈছে ৪৮জন লোক। ইফালে আন এক প্ৰশ্নৰ উত্তৰত ড° শর্মাই জনায় যে ২০১৯-২০ বিত্তীয় বৰ্ষৰ পৰা বর্তমানলৈকে মুঠ ৪৪৪জন দুর্নীতিগ্রস্ত চৰকাৰী চাকৰিয়াল গ্ৰেপ্তাৰ হৈছে। এইসকলৰ ভিতৰত ১১১জন হৈছে ৰাজপত্ৰিত বিষয়া।

Share This