উঃ প্ৰদেশৰ পৰা যোৱা পৰিয়ালৰ সন্তানৰ নেতৃত্বতে ইৰানত পৰিৱৰ্তন

dainik janambhumi June 20, 2025

ডিজিটেল ডেস্ক : মধ্য প্রাচ্যত যুদ্ধৰত ইৰানৰ ইছলামী শাসনতন্ত্রই সংকল্প লৈছে যে তেওঁলোকে আমেৰিকাৰ হেঁচা আৰু ইজৰাইলৰ মিছাইলৰ সন্মুখত নতশিৰ নকৰে। কিন্তু এই কথা অতি কম লোকেহে জানে যে ইৰানৰ এই ইছলামী শাসনতন্ত্ৰৰ প্ৰতিষ্ঠাপক উচ্চ পৰ্যায়ৰ ধৰ্মীয় নেতাজনৰ সৈতে ভাৰতৰ এখন গাঁৱৰ সম্পর্ক আছে। ইৰানৰ ইছলামিক ৰিভলিউশ্যনৰ নেতৃত্ব দিছিল তথা ১৯৭৯ চনত ইৰান ইছলামী প্রজাতন্ত্ৰৰ প্ৰথমজন সর্বোচ্চ ক্ষমতাসম্পন্ন নেতা হৈছিল আয়াতোল্লা কহোল্লা মুচাৱী খোমেইনীয়ে। তেওঁৰ ককাক চৈয়দ আহমেদ মুচাৱীৰ জন্ম হৈছিল উত্তৰ প্ৰদেশৰ বাৰাবাংকী মহানগৰৰ সমীপৰ কিন্টুৰ গাঁৱত, ১৯ শতিকাৰ আগভাগত।

কিন্টুৰ আছিল চিয়া শিক্ষাৰ কেন্দ্র। পাছত চৈয়দ আহমেদ মুচাৱী ইৰাকৰ নাজাফলৈ যায় আৰু একেবাৰে শেষত ১৮৩৪ চনত ইৰানৰ খোমেইন মহানগৰত স্থায়ীভাবে বসতি কৰিবলৈ লয়। ইয়াতেই তেওঁৰ পৰিয়ালৰ ধৰ্মীয় আৰু ৰাজনৈতিক ক্ষমতা অন্বেষণ আৰম্ভ হয়। মুচাৱীয়ে তেওঁৰ 'হিন্দী' উপাধি লিখিছিল, যি কথা ইৰানৰ বিভিন্ন  নথি-পত্ৰত উল্লেখ আছে। ই তেওঁৰ উপৰিপুৰুষৰ ধৰ্মবিশ্বাসো বহন কৰিছিল। খোমেইনীৰ আধ্যাত্মিকতাৰ প্ৰতি আগ্ৰহৰ পাছতো মুচাৱী আছিল বুলি বিশ্বাস কৰা হয়, যি আধ্যাত্মিকতাই এটা শতিকাৰ পাছত ইৰানৰ ৰাজনৈতিক শাসনতন্ত্রই সলনি কৰিলে। 

আয়াতোল্লা খোমেইনী আছিল ইৰানৰ ইছলামিক ৰিভলিউশ্যনৰ নেতা। ১৯৭৯ চনত তেওঁ ইৰানৰ পাশ্চাত্যপন্থী শ্বাহ মহম্মদ ৰেজা পহলৱীক গাদীচ্যুত কৰে আৰু ইৰান ইছলামী প্রজাতন্ত্র প্রতিষ্ঠা কৰে। তেওঁ ইৰানৰ প্রথম সর্বোচ্চ ক্ষমতাসম্পন্ন নেতা হয়। ১৯৮৯ চনত তেওঁৰ মৃত্যু হয়। খোমেইনীৰ পাছত আয়াতোল্লা আলী খামেনেই ইৰানৰ সৰ্বোচ্চ নেতা হয় আৰু তেৱেঁই বৰ্তমান ইৰানক নেতৃত্ব দি আছে।

Share This