ভয়ংকৰ পথ দুৰ্ঘটনাত মৃত্যু পানীখাইতী আৰক্ষী চকীৰ এজন জোৱানৰ 

Rashmi July 20, 2025

ডিজিটেল ডেস্কঃ গুৱাহাটীৰ বৰবাৰী অঞ্চলত সংঘটিত এক মৰ্মান্তিক পথ দুৰ্ঘটনাত এজন আৰক্ষী কনিষ্টবলে প্ৰাণ হেৰুৱালে। মৃত ব্যক্তিজন কৌশিক মেধি নামৰ ২নং ASRF/30 APBNৰ জোৱান বুলি জানিব পৰা গৈছে।

জানিব পৰা মতে কইনাধৰা স্থিত বাসগৃহৰ আজি ৰাতিপুৱা কৰ্তব্য পালনৰ উদ্দেশ্য মটৰচাইকেলেৰে পানীখাইতী আৰক্ষী চকীলৈ আহি থকা অৱস্থাত প্ৰতীক্ষা হস্পিটেলৰ সন্মুখত GMCৰ এটা ডাষ্টবিনত খুন্দা মাৰি গুৰুতৰভাৱে আহত হয় ।লগে লগে তেওঁক এক্সেলকেয়াৰ হস্পিটেললৈ যোৱা হয় যদিও কেইমুহূৰ্তৰ পাছতে তেওঁক মৃত বুলি ঘোষণা কৰা হয়।

যোৱা  ২০২২ চনত আৰক্ষীত নিযুক্তি লাভ কৰা কৌশিক মেধি ৩ জুনত পানীখাইতী আৰক্ষী চকীলৈ বদলি হৈ আহিছিল । আজি ৰাতিপুৱা ৬ বজাৰ পৰা কৰ্তব্য আছিল পানীখাইতী এই আৰক্ষী চকীত ।


উৎস : প্ৰাগ নিউজ ডিজিটেল

Share This