বাক্সাৰ আমবাৰীত চাঞ্চল্যকৰ হত্যাকাণ্ড 

Kakali Deka July 20, 2025

ডিজিটেল ডেস্কঃ বাক্সাৰ আমবাৰীত আজি এটা চাঞ্চল্যকৰ হত্যাকাণ্ড সংঘটিত হয়। কুলাংগাৰ পু্ত্ৰই চোকা অস্ত্ৰৰে ডিঙি কাটি হত্যা কৰিলে বৃদ্ধ পিতৃক।

পিতৃ লাৱণ্য ৰামছিয়াৰী শুই থকা অৱস্থাতে পাষাণ পুত্ৰ‌ই সংঘটিত কৰে এই ঘটনাটো।

ঘটনাস্থলীত মুছলপুৰ আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে মুছলপুৰ অসামৰিক চিকিৎসালয়লৈ প্ৰেৰণ কৰে ।

ইতিমধ্যে আৰক্ষীয়ে হত্যাকাৰী পনীৰাম ৰামছিয়াৰীক গ্ৰেপ্তাৰ কৰি জেৰা অব্যাহত ৰাখিছে।

স্থানীয় ৰাইজৰ অভিযোগ- পাৰিবাৰিক কন্দলৰ বাবেই সংঘটিত হয় এই চাঞ্চল্যকৰ হত্যাকাণ্ডটো ।

 দীৰ্ঘদিন ধৰি পুত্ৰ পনীৰাম ৰামছিয়াৰীয়ে সুৰাপান কৰি ৰুগীয়া পিতৃক মানসিকভাৱে নিৰ্যাতন চলাই আহিছিল ।

আজি ঘৰত কোনো নথকাৰ সুযোগ গ্ৰহণ কৰি শুই থকা অৱস্থাতে ঘাতক পুত্ৰই হত্যা কৰে পিতৃক ।

হত্যাকাৰী পুত্ৰক উচিত শাস্তি দিয়াৰ দাবী কৰিছে স্থানীয় ৰাইজে ।

Share This