অসমলৈ আহিল এক অনন্য উদ্যোগ, এইবাৰ বাঁহৰ পৰা প্ৰস্তুত হ'ব মোজা-অন্তৰ্বাস 

Rashmi February 27, 2025

ডিজিটেল ডেস্ক: অসমলৈ আহিল এক অনন্য উদ্যোগ । কিয়নো বাঁহৰ পৰা প্ৰস্তুত কৰা হ'ব মোজা আৰু অন্তৰ্বাস। আচৰিত লাগিলেও এয়াই সঁচা। এই মোজা সাধাৰণ মোজা নহয় । বাঁহৰ পৰা প্ৰস্তুত কৰা এই মোজাৰ আছে ঔষধি গুণ । এই বিশেষ মোজা মধুমেহৰ ৰোগত আক্ৰান্ত ৰোগীসকলৰ বাবে বহু উপকাৰী। এতিয়া এই বাঁহৰ মোজা উপলব্ধ হ’ব অসমতো। বাঁহৰ ক্ষেত্রত বিশেষভাৱে চহকী অসমতো উৎপাদন হ'ব বাঁহৰ পৰা প্ৰস্তুত কৰা মোজা । যাক লৈ‌ উৎফুল্লিত হৈ পৰিছে অসমবাসী।যোজনাৰ উপৰি বাঁহৰ পৰা প্ৰস্তত কৰা হ'ব অন্তৰ্বাস।

এই বিশেষ পদক্ষেপ গ্ৰহণ কৰিছে দিল্লীৰ 'বাৰ্ডকাৰ্টছ' নামৰ কোম্পানীটোৱে । এই ক্ষেত্ৰত কোম্পানীটোৱে ডিমা হাছাওত স্থাপন কৰিব ইয়াৰ এটা উৎপাদন গোট । ডিমা হাছাওত চলিব প্ৰকল্পটোৰ কাম-কাজ। আনহাতে এই সন্দৰ্ভত কোম্পানীটোৱে অসম চৰকাৰৰ লগত এক বুজাবুজিৰ চুক্তি স্বাক্ষৰ কৰিছে। গুৱাহাটীৰ খানাপাৰাত অনুষ্ঠিত হৈ থকা এডভাণ্টেজ আছামৰ ২.০ ৰ দ্বিতীয় দিনা কোম্পানীটোৱে এই চুক্তি স্বাক্ষৰ কৰে।

Share This