বটদ্ৰৱাত প্ৰেমিকক বিচাৰি প্ৰেমিকাৰ হাহাকাৰ 

Kakali Deka March 24, 2025

ডিজিটেল ডেস্কঃ বটদ্ৰৱাত এজন যুৱকৰ প্ৰেমত পৰি সৰ্বস্বান্ত এগৰাকী প্ৰেমিকাৰ প্ৰেম কাহিনী ।

প্ৰেমিকৰ লগত পলাই গৈ একেলগে সুখে-দুখে থকাৰ সংকল্প লোৱা প্ৰেমিকাক প্ৰতাৰণা কৰিলে ইলিয়াছে।

উপায়হীন হৈ প্ৰেমিকক বিচাৰি ঘূৰি ফুৰিছে প্ৰেমিকাই ।

সুখে-দুখে একেলগে থকাৰ সপোন দেখুৱাই পলুৱাই নি বিয়া পতাৰ প্ৰলোভন দিয়া এই প্ৰেমিকজনৰ নাম ইলিয়াছ ৰহমান । ঘৰ বটদ্ৰৱাৰ ভেৰভেৰিত। ইলিয়াছ ৰহমান নামৰ যুৱকজনৰ আছে বহু কাহিনী । পেছাত সুদলৈ ধন দিয়াৰ লগতে ভুৱা বিত্তীয় প্রতিষ্ঠানৰ জৰিয়তে মানুহক ঠগ-প্ৰৱঞ্চনা কৰাই হৈছে ইলিয়াছৰ কাম।

এই ইলিয়াছৰে প্ৰতাৰণাৰ বলি হৈ বিপদত পৰিছে বহু লোক। তেনে এক প্ৰৱঞ্চনাৰে বলি হ'ল এইবাৰ এগৰাকী মহিলা। বিবাহিত এই মহিলাগৰাকীয়ে ধন সুদলৈ লৈ চিনাকি হৈছিল ইলিয়াছ ৰহমানৰ লগত । লাহে লাহে দুয়োৰে সম্পৰ্ক বন্ধুত্বৰ পৰা ৰূপান্তৰিত হৈছিল প্ৰেমলৈ । দিনৰ পিছত দিন বাগৰাত দুয়ো সংকল্প লৈছিল এক হোৱাৰ। কথা মতেই হ'ল কাম, ইলিয়াছে পলুৱাই নিলে মহিলাগৰাকীক। থাকিল দুয়ো একেলগে, দিনৰ পিছত দিন বাগৰিল। প্ৰেমিকাৰ কথা মতে প্ৰেমিকে সিদ্ধান্ত ল'লে বিবাহৰ। 

তাতে লাগিছিল কেণা, দুয়ো আইনী প্ৰক্ৰিয়াৰে বিবাহ কৰোৱাৰ উদ্দেশ্যে উপস্হিত হৈছিল নগাঁও বিবাহ পঞ্জীয়ন কাৰ্যালয়ৰ সন্মুখত। তেতিয়াই ইলিয়াছে দোকানৰ পৰা পানীৰ বটল অনাৰ ছলেৰে পলাল। চতুৰ ইলিয়াছে প্ৰেমিকাক অলপ সময় অকলে ৰখিবলৈ দি দোকানলৈ যে গʼল আৰু গʼলেই, নাহিল আৰু ঘূৰি। বন্ধ হ'ল ম'বাইল, প্ৰেমিকা পৰিল চিন্তাত।

Share This