ভয়ংকৰ ঘটনা !  বকোৰ তামুলদিত ওলাইছে মুন্নাভাই এম বি বি এছ 

Kakali Deka March 21, 2025

ডিজিটেল ডেস্কঃ দক্ষিণ কামৰূপৰ বকোৰ তামুলদিত সংঘটিত হৈছে এক ভয়ংকৰ ঘটনা। ভুৱা চিকিৎসকৰ চিকিৎসাৰ বলি হৈ এগৰাকী গৰ্ভৱতী মহিলাৰ কৰুণ মৃত্যু। নিহত প্ৰসূতিগৰাকীৰ নাম ৰাশিদা বেগম বুলি জানিব পৰা গৈছে। 

নিহত মহিলাগৰাকী হৈছে ছয়গা‌ঁৱৰ টুক্ৰাপাৰা গাঁৱৰ তানিচ আলীৰ পত্নী ৰাশিদা বেগম। ভুৱা চিকিৎসক ইব্ৰাহিম আলীৰ ভুল চিকিৎসাৰ বলি হৈ মৃত্যুক আঁকোৱালি লৈছে গৰ্ভৱতী মহিলাগৰাকীয়ে। 

জানিব পৰা মতে, দীৰ্ঘদিন ধৰি ভুৱা চিকিৎসক ইব্ৰাহিমে চলাই আহিছে  অবৈধ গৰ্ভপাতৰ বেহা। 

তামুলদিত নিজৰ বাসগৃহতেই ভূৱা চিকিৎসক ইব্ৰাহিম আলীয়ে অবৈধ গৰ্ভপাত কৰি আহিছে। 

উল্লেখযোগ্য যে ইয়াৰ পূৰ্বেও এনে অবৈধ গৰ্ভপাত কৰি এইজন মুন্নাভাই MBBS ৰূপী ইব্ৰাহিম আলীয়ে ৰঙাঘৰৰ আলহী হ'বলগীয়া হৈছিল। অভিযুক্ত ইব্ৰাহিম আলী সম্প্ৰতি পলাতক অৱস্থাত আছে। 

পৰিয়ালৰ এজাহাৰৰ ভিত্তিত বকো আৰক্ষীয়ে অভিযুক্ত ইব্ৰাহিম আলীক আটক কৰিবলৈ অভিযান অব্যাহত ৰাখিছে। ইতিমধ্যে বকো আৰক্ষীয়ে ৰাশিদা বেগমৰ নশ্বৰদেহ মৰোণোত্তৰ পৰীক্ষাৰ বাবে GMCH লৈ প্ৰেৰণ কৰিছে।
    

বকোৰ পৰা চন্দন মজুমদাৰ ৰিপ'ৰ্ট

Share This