ব'ল বমৰ নামত ডুমডুমাত উচ্চ প্ৰাবল্য শব্দত ক্ষুণ্ণ বীৰ লাচিত সেনা

Rashmi July 28, 2025

ডিজিটেল ডেস্কঃ এতিয়া পৱিত্ৰ শাওণ মাহ৷ এই শাওণ মাহত শিৱ ভক্তসকলে ব'ল বম যাত্ৰা কৰে৷ কিন্তু একাংশই পৱিত্ৰ ব'ল বমত অতপালি কৰা পৰিলক্ষিত হয়৷ ব'ল বমৰ নামত প্ৰশাসনৰ কোনো অনুমতি নোলোৱাকৈ উচ্চ প্ৰাবল্যত বিকট শব্দ কৰি বিভিন্ন গাড়ীত ডিজে লাইট জেনেৰেটৰ লগাই অশ্লীল গান বজাই পৰিৱেশ বিনষ্ট কৰা দেখা যায়৷ 

বীৰ লাচিত সেনা তিনিচুকীয়া জিলা সমিতিয়ে ইতিমধ্যে আৰক্ষী-প্ৰশাসন তথা জিলা আয়ুক্তক এই ক্ষেত্ৰত বিশেষ নজৰ দি একাংশই ধৰ্মৰ নামত পৰিৱেশ বিনষ্ট নকৰিবলৈ স্মাৰক-পত্ৰ প্ৰদান কৰিছিল৷ 

আজি পুৱাৰে পৰা ডুমডুমা চহৰত একাংশই নিচা জাতীয় দ্ৰব্য সেৱন কৰি উচ্চস্বৰৰ অশ্লীল গান বজোৱাত ক্ষু্ণ্ণ হৈ বীৰ লাচিত সেনাই গাড়ীসমূহ জব্দ কৰি আৰক্ষীক গতাই দিয়ে৷ আৰক্ষীয়েও এনে ধৰণৰ গাড়ীৰ ওপৰত নজৰ ৰাখি উচ্চস্বৰৰ গান বজোৱা বন্ধ কৰিবলৈ তৎপৰ হোৱা দেখা যায়৷


উৎস : প্ৰাগ নিউজ ডিজিটেল

Share This