বঙাইগাঁৱত তীব্ৰ বেগী ডাম্পাৰে মহতিয়াই নিলে এগৰাকী ছাত্ৰীক

Kakali Deka February 13, 2025

ডিজিটেল ডেস্ক: বঙাইগাঁৱত সংঘটিত হৈছে এক ভয়ংকৰ পথ দুৰ্ঘটনা। বঙাইগাঁৱৰ ৰাখালডুবিৰ ২৭ নং ৰাষ্ট্ৰীয় ঘাইপথত  সংঘটিত হয় এই দুৰ্ঘটনাটো। তীব্ৰবেগী ডাম্পাৰে মহতিয়াই নিলে এগৰাকী ছাত্ৰীক। থিতাতে নিহত হয় ছাত্ৰীগৰাকী।

উল্লেখযোগ্য যে AS-26G-7006 নম্বৰৰ এখন স্কুটীৰে আহি আছিল ছাত্ৰীগৰাকী। ছাত্ৰীগৰাকীয়ে স্কুটীৰে আহি থকা অৱস্থাত এখন ডাম্পাৰে খুন্দা মৰাৰ ফলতেই নিহত হয় ছাত্ৰীগৰাকী।  নিহত ছাত্ৰীগৰাকী বিজনীৰ গাৰগাঁওস্থিত চিৰাং পলিটেকনিকৰ প্ৰথম ষান্মাসিকৰ ছাত্ৰী সঞ্জিনা ব্ৰহ্ম বুলি জানিব পৰা ,গৈছে।চিৰাং জিলাৰ বাঙালডোবা চামঠাইবাৰীৰ বাসিন্দা নিহত ছাত্ৰীগৰাকী।

পৰীক্ষা দি ঘৰলৈ ওভতাৰ পথত সংঘটিত হয় এই শোকাৱহ দুৰ্ঘটনাটো।ইতিমধ্যে ঘটনাস্থলীত উপস্থিত হৈছে বঙাইগাঁও জিলাৰ জিলা আয়ুক্ত নৱদ্বীপ পাঠক,আৰক্ষী অধীক্ষক মোহনলাল মিনাসহ আৰক্ষীৰ শীৰ্ষ বিষয়ববীয়াসকল। ঘটনা সন্দৰ্ভত ইতিমধ্যে তদন্ত আৰম্ভ কৰিছে আৰক্ষীয়ে।

Share This