মায়াৰ চৰ শাইলধাৰাত ব্ৰহ্মপুত্ৰৰ খহনীয়া

dainik janambhumi July 20, 2025

ডিজিটেল ডেস্ক : বিলাসীপাৰা আৰু আটানী ৰাজহ চক্ৰৰ অন্তৰ্গত মায়াৰ চৰ কেবা খণ্ড আৰু শাইলধাৰা এলেকাত সম্প্ৰতি ব্ৰহ্মপুত্ৰ নদীৰ প্ৰচণ্ড খহনীয়া অব্যাহত আছে। উল্লেখযোগ্য যে ব্ৰহ্মপুত্ৰ নদীৰ পানী কমিছে যদিও তীব্র সোঁত হ্রাস পোৱা নাই। প্রবল সোঁতৰ বাবেই খহনীয়াৰ সৃষ্টি হৈছে। যোৱা কেইমাহত শাইলধাৰা, চেংগেৰ আলগা, বাকপাৰা, আলুপাৰা, মায়াৰ চৰ কেবাখণ্ড গাঁৱৰ প্ৰায় ২০টা পৰিয়ালৰ ক্ষতিসাধন হোৱা বুলি ৰাইজে জনাইছে। কেইবাটাও পৰিয়াল গৃহহীন হোৱা পৰিলক্ষিত হয়। 

বর্তমান গৃহহীন পৰিয়ালবোৰে ৰাস্তাৰ ওপৰতে কোনোমতে আশ্রয় লৈ জীৱন নিৰ্বাহ কৰি আছে। কেইবাশ পৰিয়াল খহনীয়াৰ কবলত পৰিছে। চৰকাৰী, বেচৰকাৰী অনুষ্ঠান আদিও জাহ যোৱাৰ উপৰি কেইবাখনো বিদ্যালয়, অংগনৱাড়ী কেন্দ্ৰলৈ ভাবুকি আহি পৰিছে। 

এম জি এনৰেগা, পি এম জি, ৰাস্তা-কার্লভার্ট নদীৰ বুকুত জাহ গৈছে। বহু পুৰণা বসতিস্থল, গছ-গছনি, খেতিপথাৰ নদীৰ বুকুত অদৃশ্য হৈ গল। চৰকাৰ আৰু ৰাজহ বিভাগৰ পৰা চক্ৰ বিষয়া, লাটমণ্ডল, জনপ্রতিনিধিয়ে আজিৰ তাৰিখলৈকে ভৰি দিয়া নাই বুলি ৰাইজে অভিযোগ কৰিছে। আনকি দুর্দশাগ্রস্তৰ কাষলৈ কোনো জনপ্রতিনিধি অহা নাই।

Share This