ধেমাজিৰ লেচিয়াত গাই নদীৰ সোঁতত খহিল দলঙৰ এটা মূৰ

dainik janambhumi July 20, 2025

ডিজিটেল ডেস্কঃ ধেমাজিৰ চিচিবৰগাঁৱৰ চকুলো গাই নদীৰ যাতায়াত ব্যাহত তীব্ৰ সোঁতৰ ফলত আজি খহি পৰিল ধেমাজি চিচিবৰগাঁও সমষ্টিৰ লেচিয়া অংশত থকা এখন পকী দলঙৰ এটা মূৰ। অৰুণাচল প্ৰদেশৰ আৰব পাহাৰত হোৱা নেৰানেপেৰা বৰষুণৰ ফলত ধেমাজি জিলাৰ গাই নদীৰ জলস্তৰ অধিক হোৱাৰ ফলত দলংখনৰ বহন ক্ষমতা কমি যোৱাৰ ফলত আজি লেচিয়াত থকা পকী দলঙত অধিক চাপ পৰে।

ফলত ধেমাজিৰ পৰা আমগুৰিলৈ যোৱা গ্রাম্য পকীপথৰে যোগাযোগ বিচ্ছিন্ন হৈ পৰে সমষ্টিটোৰ কেইবাটাও পঞ্চায়তৰ বাসিন্দাৰ। তদুপৰি সেই পথেৰে ধেমাজিৰ পৰা ডিব্ৰুগড়লৈ অতি চমু পথ হিচাপে বিবেচিত হোৱাত এই পথৰেই দৈনিক হাজাৰ হাজাৰ লোকে অহা-যোৱা কৰে। দুর্নীতিৰে বাতৰিৰ শিৰোনাম দখল কৰি থকা ধেমাজিৰ বিয়াগোম জলসম্পদ বিভাগে পৰিকল্পনাবিহীনভাৱে গাই নদীৰ দুয়োপাৰে মথাউৰি নিৰ্মাণ কৰাৰ কু-ফল এতিয়া উক্ত কেইবাটাও পঞ্চায়তৰ ৰাইজে ভুগিব লগা হৈছে। তদুপৰি অসম চৰকাৰৰ লোকনিৰ্মাণ বিভাগেও উক্ত পথটোৰ দলংখনৰ ক্ষেত্ৰতো কোনো কাৰ্য ব্যৱস্থা গ্ৰহণ নকৰাৰ অভিযোগ তুলিছে স্থানীয় ৰাইজে।

Share This