এটি সাত বছৰীয়া কণমানিৰ কৰুণ কাহিনী

Kakali Deka March 31, 2025

ডিজিটেল ডেস্ক: এটি সাত বছৰীয়া বিশেষভাবে সক্ষম কণমাণি আৰু অসহায় দৰিদ্ৰ পিতৃ মাতৃ কৰুণ কাহিনী। দেখিলেই মৰম লগা এটি সাত বছৰীয়া কণমানি। বিশেষভাবে সক্ষম এই কণমানিটো । ধিঙৰ নামডুমডুমীয়া সত্ৰৰ পিতৃ মন্টু নাথ আৰু মাতৃ যোগমায়া দেৱীৰ একমাত্ৰ সন্তান এই বিশেষভাবে সক্ষম কণমানিটো ।
অতি দৰিদ্ৰ পৰিয়ালৰ পিতৃ মাতৃয়ে অনিচ্ছা সত্ত্বেও ৰচিৰে বান্ধি ৰাখিৱলগীয়া হয় এই কণমানিটোক । শিশুটিক পৰ্যাপ্ত চিকিৎসা কৰিবলৈও সামৰ্থ নাই দুৰ্ভগীয়া পিতৃ মাতৃৰ । পিতৃয়ে আনৰ ঘৰত দিন হাজিৰা কৰি কোনোমতে চলাই আহিছে পৰিয়ালটি ।

 
ইপিনে চৰকাৰে দৰিদ্ৰ লোকৰ বাবে আগবঢ়োৱা আঁচনিৰ পৰাও বঞ্চিত এই দুৰ্ভগীয়া পৰিয়ালটো । অৰুণোদয়, ৰেচন কাৰ্ডৰ যোগ্য যদিও সেইয়াৰ পৰাও বঞ্চিত এই পৰিয়ালটো ।  এফালে বিশেষভাবে সক্ষম একমাত্ৰ সন্তানৰ চিকিৎসাৰ বাবে প্ৰয়োজনীয় ধনৰ অভাৱ আৰু আনফালে বঞ্চিত হৈছে  চৰকাৰী আঁচনিৰ পৰাও । 

উপায়ন্তৰ হৈ এই দুৰ্ভগীয়া পৰিয়ালটোৱে সংবাদ মাধ্যমৰ জৰিয়তে ৰাজ্যৰ মুখ্যমন্ত্রী ড০ হিমন্ত বিশ্ব শৰ্মাৰ লগতে সুহৃদয় লোকৰ পৰা বিচাৰিছে সহায় । যদি কোনো লোকে এই পৰিয়ালটোক সহায় আগবঢ়াব বিছাৰে তেন্তে কণমানিটোৰ মাতৃৰ SBI ৰ ধিং শাখাত থকা একাউণ্ট নং 35283128881 (IFSC Code SBIN2050) ত সহায় আগবঢ়াবলৈ কাতৰ অনুৰোধ জনাইছে দুৰ্ভগীয়া পৰিয়ালটোৱে ।

Share This