ভাৰতীয় ষ্টেট বেংকত অঘটন! বেংকৰ ভিতৰতে গ্ৰাহকৰ পৰা দুৰ্বৃত্তই লুটি নিলে ৪ লক্ষাধিক টকা

Rashmi March 20, 2025

ডিজিটেল ডেস্ক : ধুবুৰী জিলাৰ গোলকগঞ্জস্থিত ষ্টেট বেংকত অঘটন। বেংকৰ ভিতৰত গ্ৰাহকৰ পৰা দুৰ্বৃত্তই লুটি নিলে ৪ লক্ষাধিক টকা। 

গোলকগঞ্জৰ হিতেশ ৰায় নামৰ ব্যক্তিজনৰ পৰা আজি দুৰ্বৃত্তই লুটি নিয়ে টকাখিনি। ইতিমধ্যে ষ্টেট বেংকৰ চি চি টিভি কেমেৰাত বন্দী হৈছে এই সমগ্ৰ দৃশ্য। 

উল্লেখযোগ্য যে গোলকগঞ্জ বজাৰত হিটাচি কোম্পানীৰ এ টি এম চলোৱা হিতেশ ৰায় নামৰ ব্যক্তিজনে ভাৰতীয় ষ্টেট বেংকৰ গোলকগঞ্জ শাখাৰ পৰা ৪ লক্ষাধিক টকা তুলি বেংকৰ গাণনিকৰ কাষত গৈ বহিছিল। হিতেশ ৰায় আৰু বেংকৰ গাননিকে কথা পাতি থকাৰ সময়তেই পিছফালৰ পৰা অচিনাক্ত দুৰ্বৃত্তই আহি টকাৰ বেগ লৈ উধাও হয়। 

এই সমগ্ৰ দৃশ্য বেংকৰ চি চি টিভি কেমেৰাত বন্দী হয়। উল্লেখ্য যে বেংকৰ ভিতৰতেই গ্ৰাহকৰ কোনো নিৰাপত্তা নথকাত সচেতন মহলে আশ্চৰ্য প্ৰকাশ কৰিছে। ইতিমধ্যে ভুক্তভোগী হিতেশ ৰায়ে গোলকগঞ্জ থানাত এজাহাৰ দাখিল কৰিছে।

Share This