নিষিদ্ধ চেং মাছক কেন্দ্ৰ কৰি উত্তপ্ত ডিব্ৰুগড় বিমান বন্দৰ

Rashmi August 09, 2025

ডিজিটেল ডেস্ক : তিনিচুকীয়া জিলা আযুক্তৰ অনুমতিপ্ৰাপ্ত সমবায়ৰ অনুমতি অবিহনে গোপনে পুনৰ সৰবৰাহ বিলুপ্তপ্ৰায় মৎস্যকুল

ডিজিটেল ডেস্কঃ বন বিভাগ আৰু আৰক্ষীৰ চকুত ধূলি দি উজনিত অব্যাহত আছে নিষিদ্ধ তথা বিলুপ্তপ্ৰায় চেং মাছৰ লাখটকীয়া ব্যৱসায় ৷ 

উল্লেখ্য যে প্ৰতিবাৰেই এই নিষিদ্ধ চেং মাছ ডিব্ৰুগড় বিমান বন্দৰৰ পৰা বিমানেৰে যদু সৰকাৰ আৰু সুজিত সৰকাৰ নামৰ ব্যৱসায়ীদ্বয়ে কলকাতাকে ধৰি দেশৰ বিভিন্ন প্ৰান্তলৈ সৰবৰাহ কৰি আহিছে ৷ 

আজিও এই ব্যৱসায়ীদ্বয়ে তিনিচুকীয়াৰ গুইজান অঞ্চলৰ পৰা  বুজন পৰিমাণৰ চেং মাছ  ডিব্ৰুগড় বিমান বন্দৰেদি নিয়াৰ ব্যৱস্থা কৰিছিল। কিন্তু অনুমতি লোৱা নাছিল ডিব্ৰু ছৈখোৱাৰ মীন সমবায় সমিতিৰ ৷ চৰকাৰীভাৱে তিনিচুকীয়াৰ পৰা চেং মাছ নিবলৈ হ'লে চালান ল'ব লাগিব ডিব্ৰু ছৈখোৱাৰ মীন সমবায় সমিতিৰ পৰা। ডিব্ৰুগড় বিমান বন্দৰত ডিব্ৰু ছৈখোৱাৰ সমবায় সমিতিৰ সভাপতি নবীন দাসে দেখা মাত্ৰেই ডিব্ৰুগড় বিমান বন্দৰ পৰিচালকক খবৰ দিয়ে।

ততাতৈয়াকৈ চেং মাছসমূহ বিমান বন্দৰৰ পৰা নমাই দিয়ে। উল্লেখ্য যে এই নিষিদ্ধ ব্যৱসায়ৰ বাতৰি সংগ্ৰহ কৰিবলৈ যোৱা সাংবাদিকে বাইট লৈ থাকোঁতে গোপনে ভিডিঅ' কৰি থকাৰ প্ৰতিবাদ কৰিবলৈ যোৱা সাংবাদিককো এই সৰকাৰ ভাতৃদ্বয়ৰ গুণ্ডা বাহিনীয়ে সাংবাদিকক অপদস্ত কৰিবলৈও উদ্যত হয় ৷ অভিযোগ অনুসৰি, চেং মাছসমূহ নিবৰ বাবে যদু সৰকাৰে ধেমাজিৰ পৰা এখন ভুৱা চালান প্ৰদৰ্শন কৰাক লৈ সৃষ্টি হৈছে তীব্ৰ প্ৰতিক্ৰিয়াৰ ৷


উৎস : প্ৰাগ নিউজ ডিজিটেল

Share This