ডিব্রুগড় বিমান বন্দৰত যাত্রীৰ বেগত উদ্ধাৰ বন্দুকৰ সক্ৰিয় গুলী

Rashmi March 11, 2025

ডিজিটেল ডেস্কঃ ডিব্ৰুগড় বিমানবন্দৰত এগৰাকী যাত্ৰীৰ বেগৰ পৰা এটা ৯ এম এম পিষ্টলৰ সক্ৰিয় গুলী উদ্ধাৰক লৈ তীব্ৰ চাঞ্চল‍্যৰ সৃষ্টি হয়। ইণ্ডিগ’ বিমানত শম্ভু দয়াল শৰ্মা নামৰ এগৰাকী যাত্ৰীয়ে ডিব্ৰুগড় পৰা নিজ গৃহ ৰাজস্থানলৈ বুলি যাবলৈ উপস্থিত হৈছিল ডিব্ৰুগড় বিমান বন্দৰত। 

সেই সময়ত ডিব্ৰুগড় বিমান বন্দৰত নিৰাপত্তাৰক্ষীয়ে ব‍্যক্তিজনৰ বেগসমূহ পৰীক্ষা কৰোঁতে ধৰা পৰে এটা ৯ এম এম পিষ্টলৰ সক্ৰিয় গুলী। ব‍্যক্তিজনে ব‍্যৱসায়ৰ সূত্ৰে বহু বছৰ ধৰি অৰুণাচল প্ৰদেশৰ লংডিঙত বসবাস কৰিছিল। অৰুণাচল প্ৰদেশত ব‍্যক্তিজনক বিদ্ৰোহী সংগঠনে ভিন্ন সময়ত ধন দাবী কৰি অহাৰ কথা সংবাদ মাধ‍্যমক জানিবলৈ দিয়ে শম্ভু দয়াল শৰ্মাই। 

আনহাতে, বেগত এটা সক্ৰিয় গুলী কেনেকৈ সোমাই আছিল সেই সন্দৰ্ভত তেওঁ জ্ঞাত নহয় বুলি মন্তব্য কৰে। ডিব্ৰুগড় বিমান বন্দৰৰ ঘটনাস্থলীত মোহনবাৰী আৰক্ষী উপস্থিত ব‍্যক্তিজনক সোধা-পোছাৰ বাবে আটক কৰে। সম্প্ৰতি আৰক্ষীয়ে তদন্ত অব‍্যাহত ৰাখিছে।

উৎস: প্ৰাগ নিউজ ডিজিটেল
 

Share This