ডুমডুমাত আজিৰ পৰা ৰাজহুৱা ৰঙালী বিহু উদযাপন

Kakali Deka April 20, 2025

ডিজিটেল ডেস্কঃ পুৱা পতাকা উত্তোলন আৰু স্মৃতি তৰ্পণ কাৰ্যসূচীৰে আৰম্ভ তিনিদিনীয়া বিহু সন্মিলন ৷ উদযাপন সমিতিৰ সভাপতি দুলু আৰনধৰাই উত্তোলন কৰে পতাকা আৰু স্মৃতি তৰ্পন শুভাৰম্ভ কৰে সম্পাদক প্ৰতীম নেওগে ৷

অনুষ্ঠানত ডুমডুমাৰ বিভিন্ন দল-সংগঠন, সাহিত্য-সংস্কৃতি অনুষ্ঠানৰ নেতৃত্ব আৰু অঞ্চলটোৰ বিশিষ্ট ব্যক্তি সকলে অংশগ্ৰহণ কৰে ৷আবেলি বিভিন্ন সাংস্কৃতিক প্ৰতিযোগিতাসমূহ অনুষ্ঠিত হ'ব ৷

মঙলবাৰে ডুমডুমাৰ সকলো জাতি-জনগোষ্ঠীৰ সমাহাৰৰে বাৰেৰহণীয়া সাংস্কৃতিক শোভাযাত্ৰা অনুষ্ঠিত হ'ব ৷ সাংস্কৃতিক সন্ধিয়াত জনপ্ৰিয় কণ্ঠশিল্পী জুবলী বৰুৱাক আমন্ত্ৰণ জনোৱা বুলি উদ্যোক্তা সমিতিয়ে জানিবলৈ দিছে ৷ ৰাজহুৱা ৰঙালী বিহুৰ সকলো কাৰ্যসূচীত ৰাইজৰ উপস্থিতি কামনা কৰিছে উদ্যোক্তা সমিতিয়ে ৷

Share This