ৰঙাঘৰৰ আলহী হ'ল দেৰগাঁৱৰ এজন ভুৱা চিকিৎসক 

Kakali Deka October 26, 2025

ডিজিটেল ডেস্ক : শনিবাৰে দেৰগাঁও কমল দুৱৰা মহাবিদ্যালয়ৰ সমীপৰ পৰা দেৰগাঁও আৰক্ষীয়ে আটক কৰে  ৰঞ্জিত চন্দ্ৰ সেন নামৰ ৫৭ বছৰীয়া ভুৱা আয়ুৰ্বেদিক চিকিৎসক এজনক।

২০২৩ চনৰ পৰা হাজৰিকা আয়ুৰ্বেদিক নামৰ এটা প্ৰতিষ্ঠানত আয়ুৰ্বেদিক চিকিৎসক হিচাপে সেৱা আগবঢ়াই আহিছিল এই চিকিৎসকজনে।

পূব কাৰ্বি আংলং জিলাৰ পুৰণা বৰপথাৰৰ স্থায়ী বাসিন্দা ৰঞ্জিত চন্দ্ৰ সেন। জানিব পৰা মতে   কলকাতাৰ এখন আয়ুৰ্বেদিক চিকিৎসা মহাবিদ্যালয়ৰ পৰা উত্তীৰ্ণ হোৱা প্ৰমাণ-পত্ৰৰে  তেওঁ আয়ুৰ্বেদিক চিকিৎসক হিচাপে কৰ্মৰত আছিল। কিন্তু ২০২১ চনতে ভাৰত চৰকাৰে সেই চিকিৎসালয়খন নিষিদ্ধ ঘোষণা কৰিছিল।

আৰক্ষীৰ তথ্য মতে, অসম চিকিৎসা পৰিষদৰ অধীনত তেওঁৰ কোনো ধৰণৰ পঞ্জীয়ন নাছিল। সম্প্ৰতি ভুৱা চিকিৎসকজন দেৰগাঁও আৰক্ষী থানাৰ আলহী।

Share This