মহানগৰীত পাৰিবাৰিক সংঘাতৰ ভয়ংকৰ ৰূপ! ডেগাৰৰ আক্ৰমণত আহত ৩

Rashmi July 25, 2025

ডিজিটেল ডেস্কঃ গুৱাহাটী মহানগৰীত পাৰিবাৰিক সংঘাতৰ এক ভয়ংকৰ ঘটনা পোহৰলৈ আহিছে। নিশা মহানগৰীৰ ছুপাৰ মাৰ্কেটৰ সমীপত হয় চুৰিকাঘাটৰ ঘটনা।

পাৰিবাৰিক সংঘাতে লয় ভয়ংকৰ ৰূপ। ডেগাৰৰ আক্ৰমণত আহত তিনিগৰাকীকৈ লোক।

নচিব আলী নামৰ এজন ব্যক্তি গুৰুতৰভাৱে আহত হৈছে। এখন ভৰি ভঙাৰ লগতে হাতত গুৰুতৰভাৱে আঘাত পাইছে লোকজনে।

সম্প্ৰতি এখন ব্যক্তিগত চিকিৎসালয়ত তেওঁ ভৰ্তি হৈ আছে।

অভিযোগ অনুসৰি আব্দুল হাফিজে প্ৰায়ে অত্যাচাৰ কৰে তেওঁৰ পত্নী সুমিতা বেগমক। নিশাও পত্নীক গুৰুতৰভাৱে প্ৰহাৰ কৰে আব্দুল হাফিজে।

৬ বছৰৰ আগত বিবাহপাশত আবদ্ধ হৈছিল দুয়ো। তেওঁলোকৰ আছে দুটাকৈ কন্যা সন্তান।

নিশা দুয়োৰে মাজত সৃষ্টি হৈছিল কাজিয়াৰ। তেনেতে ঘটনাস্থলীত উপস্থিত হয় পত্নী সুমিতা বেগমৰ পৰিয়ালৰ লোক।

সেই একে সময়ত আব্দুল হাফিজ আৰু তেওঁৰ ৩০/৪০ বন্ধুৱে মিলি সুমিতাৰ পৰিয়ালক মাৰধৰ কৰাৰ অভিযোগ উঠিছে।

পৰৱৰ্তী সময়ত বন্ধুৰ সৈতে মিলি সুমিতা বেগমৰ পৰিয়ালৰ লোকক প্ৰহাৰ কৰাৰ লগতে ডেগাৰে আক্ৰমণ কৰাৰ অভিযোগ।

উল্লেখ্য যে সচিবালয়ৰ চৰকাৰী আৱাসগৃহত আব্দুল হাফিজে পৰিয়ালসহ দীৰ্ঘদিন ধৰি বসবাস কৰি আছিল।

আব্দুল হাফিজ এগৰাকী সচিবালয়ৰ বিষয়াৰ গাড়ী চালক। ঘটনা স্থলীত উপস্থিত হয় দিছপুৰ আৰক্ষী।

সুমিতা বেগমৰ পৰিয়ালক আক্ৰমণ কৰি পলায়ন কৰাৰ অভিযোগ।

আব্দুল হাফিজৰ ঘৰ হাজোত আৰু সুমিতা বেগমৰ ঘৰ বাইহাটা চাৰিআলিত।

উৎস : প্ৰাগ নিউজ ডিজিটেল