জি এম চি এইচৰ ৰোগীৰ বিছনাৰ চাদৰত থাকিব বাৰৰ নাম

dainik janambhumi January 30, 2025

ডিজিটেল ডেস্ক : গুৱাহাটী চিকিৎসা মহাবিদ্যালয় হস্পিটেলত এতিয়াৰ পৰা ৰোগীৰ বিছনা চাদৰবোৰত সপ্তাহৰ প্ৰতিটো বাৰৰ নাম উল্লেখ থাকিব, যাতে একেখন বিছনা চাদৰকেই ৰোগীক দিনৰ পাছত দিন ব্যৱহাৰ কৰিবলৈ দিব নোৱাৰে। 

'কেইদিনমান পূর্বে ইণ্টাৰনেটত এই উদ্ভাৱনী ব্যৱস্থাটো দেখিলোঁ আৰু লগে লগেই জি এম চি এইচত ইয়াক কাৰ্যকৰী কৰিবলৈ নির্দেশ দিছোঁ' এক্স বার্তাত এই কথা প্রকাশ কৰিছে মুখ্যমন্ত্রী ড° হিমন্ত বিশ্ব শর্মাই। তেওঁ কয় যে সপ্তাহৰ প্ৰতিটো বাৰৰ নাম উল্লেখ থকা বিছনা চাদৰ ব্যৱহাৰ কৰাৰ ফলত একেখনকে ব্যৱহাৰ কৰি থকাৰ কোনো সুযোগ নাথাকিব আৰু ৰোগীৰ সংক্রমণো হ্রাস পাব। 

মুখ্যমন্ত্রীজনে লগতে এই কথাও উল্লেখ কৰিছে যে এই ব্যৱস্থাই চিকিৎসালয়খনৰ ব্যৱস্থাপনাও সঠিক কৰি ৰাখিব। চিকিৎসালয় অধিক স্বাস্থ্যসন্মত কৰি তুলিব পৰা এই ব্যৱস্থা নলবাৰী মেডিকেলতো কাৰ্যকৰী কৰা হ'ব।

Share This