গ্ৰাছলেণ্ডৰ বৰনদী নৈত গা ধুবলৈ গৈ এগৰাকী মেট্ৰিক পৰীক্ষাৰ্থী নিখোঁজ

Rashmi March 20, 2025

ডিজিটেল ডেস্কঃ ভাৰত ভূটান সীমান্তৰ গোৰেশ্বৰৰ গ্ৰাছলেণ্ডত এগৰাকী মেট্ৰিক পৰীক্ষাৰ্থী নিখোঁজ। গ্ৰাছলেণ্ডৰ বৰনদী নৈত বন্ধুৰ সৈতে গা ধুবলৈ গৈছিল ছাত্ৰজন।

ওদালগুৰি জিলাৰ নালাপাৰা জুৰুৱাবস্তীত ঘৰ নিখোঁজ ছাত্ৰ গোবিন্দ দাসৰ।

মঙলবাৰে ওদালগুৰি জিলাৰ ৰাজগড় ধৰমজুলিৰ বলোৰাম দাসৰ পুত্ৰ ৰাজকুমাৰ দাস(১৫)ৰ সৈতে গোৰেশ্বৰৰ অম্বৰীশনগৰৰ জেঠায়েকৰ ঘৰলৈ আহিছিল ছাত্ৰজন ।

অম্বৰীশনগৰৰ আত্মীয় ফুলেন দাসৰ পুত্ৰ ভাস্কৰ দাস (১৭)ৰ সৈতে বুধবাৰে গোবিন্দ দাস(১৬), আৰু ৰাজকুমাৰ দাস(১৫) গৈছিল গ্ৰাছলেণ্ডত গা ধুবলৈ। 

বুধবাৰে আবেলি প্ৰায় ৩ বজাৰ পাছত গা ধুই থকোতে নৈৰ বুকুত নিখোঁজ হয় গোবিন্দ দাস। 

ঘটনাস্থলীত নাগ্ৰীজুলি আৰক্ষীৰ দল উপস্থিত হয় যদিও সন্ধিয়া হোৱাৰ বাবে উদ্ধাৰ অভিযান চলাব পৰা নাছিল। 

আজি SDRF ৰ দল উপস্থিত হৈ উদ্ধাৰ অভিযান চলাব বুলি জানিব দিছে আৰক্ষী বিষয়াই৷

উল্লেখ্য যে গোবিন্দৰ পিতৃ গিৰেন দাস আৰু মাতৃ মিনাক্ষী দাস কৰ্মসূত্ৰে অসমৰ বাহিৰত থাকে বুলি জানিব পৰা গৈছে৷

বৰ্তমান নৈৰ পাৰত পৰিয়ালৰ আত্মীয়ই টুকিছে চকুপানী ।

উৎস: প্ৰাগ নিউজ ডিজিটেল
 

Share This