এ আই ডি চিত উন্মুক্ত ভৰলু নৈ

dainik janambhumi February 21, 2025

ডিজিটেল ডেস্ক: মহানগৰীক আটকধুনীয়া কৰিবৰ বাবে চৰকাৰে বিভিন্ন সময়ত বিভিন্ন উন্নয়নমূলক পদক্ষেপ গ্ৰহণ কৰিছে। গুৱাহাটী মহানগৰীৰ ৰাস্তা-ঘাট কেইবাখনো ফ্লাই অ'ভাৰৰ নিৰ্মাণকাৰ্য ইতিমধ্যে সম্পূৰ্ণ হৈছে আৰু কেইবাখনো নিৰ্মাণৰত অৱস্থাত আছে। তাৰ মাজতে কিছুমান দৃশ্যই পৰিৱেশ অশুৱনি কৰাৰ লগতে অঘটন হোৱাৰ আশংকা আছে। গুৱাহাটী মহানগৰীৰ মাজমজিয়াত অৱস্থিত ৰাধা গোবিন্দ বৰুৱা পথৰ অসম ঔদ্যোগিক উন্নয়ন নিগমৰ তথা এ আই ডি চিৰ সন্মুখত ভৰলু নৈৰ কাষে কাষে দিয়া লোহাৰ ৰেলিং কেইবা ঠাইতো নথকাৰ বাবে উন্মুক্ত হৈ আছে।

দুই-এঠাইত বাঁহ বান্ধি থোৱা দেখা গৈছে। গুৱাহাটী পৌৰ নিগমক জনসাধাৰণে কৰ-কাটল সময়মতে পৰিশোধ কৰে। সেই অনুসৰি পৌৰ নিগম কৰ্তৃপক্ষই জনসাধাৰণৰ কল্যাণৰ হকে অভাৱ-অভিযোগসমূহত অধিক গুৰুত্ব প্ৰদান কৰিব লাগে। উক্ত স্থানত প্ৰায় এবছৰ মানেই হ'ল ভৰলুৰ কাষত এনেদৰে উন্মুক্ত হৈ থকা। বিভাগীয় কৰ্তৃপক্ষক বিষয়টো দৃষ্টিগোচৰ কৰিলোঁ।পৌৰ নিগমে কিবা এটা অঘটন ঘটাৰ আগেয়ে সু-ব্যৱস্থা গ্ৰহণ কৰে যেন।

Share This