গুৱাহাটীত HMPVত আক্ৰান্ত দ্বিতীয়গৰাকী লোকক চিনাক্ত।এই ভাইৰাছৰ পৰা কেনেকৈ পৰিত্ৰাণ পাব পাৰি

Kakali Deka January 22, 2025

ডিজিটেল ডেস্ক: দেশত দিনক দিনে বৃদ্ধি পাবলৈ ধৰিছে HMPVত আক্ৰান্ত ৰোগীৰ সংখ্যা।ক্ৰমাৎ যেন ভয়ংকৰ ৰূপ লৈছে HMPV ৰোগে।এজনৰ পাছত এজন লোক আক্ৰান্ত হৈছে এই ভাইৰাছত। গুৱাহাটীত ২৪ঘণ্টাত দুজন লোকৰ শৰীৰত ধৰা পৰিছে HMPV ভাইৰাছ। মঙলবাৰে এগৰাকী ৭৫ বছৰীয়া মহিলা  এই ৰোগত আক্ৰান্ত হোৱাৰ পাছত আজি মহিলাগৰাকীৰ স্বামীৰ দেহত ধৰা পৰিছে HMPV ভাইৰাছৰ সংক্ৰমণ। 

মহিলাগৰাকী আক্ৰান্ত হোৱাৰ পাছত মহিলাগৰাকীৰ স্বামীৰো কৰা হৈছিল HMPV পৰীক্ষা। তাৰ পাছতে মহিলাগৰাকীৰ স্বামীৰ দেহত এই ভাইৰাছৰ সংক্ৰমণ ধৰা পৰে। বৰ্তমান দুয়োগৰাকী ৰোগী গুৱাহাটীৰ এপল’ হস্পিটেলত চিকিৎসাধীন হৈ আছে। উল্লেখ্যযোগ্য যে প্ৰথমে অসমত ১০ মহীয়া শিশুৰ দেহত ধৰা পৰিছিল এই ভাইৰাছৰ অৱস্থিতি। 

কেনেকৈ পৰিত্ৰাণ পাব HMPV ৰ ভাইৰাছৰ পৰা HMPV ৰ লক্ষণসমূহ কি কি?

HMPVৰ ফলত কাহ, জ্বৰ, চৰ্দি, ডিঙিৰ বিষ আৰু উশাহ-নিশাহৰ সমস্যা হয়।এই  ভাইৰাছে বেছিভাগ সৰু ল’ৰা-ছোৱালীক আক্ৰমণ কৰে। জ্যেষ্ঠ লোকো এই ৰোগত আক্ৰান্ত হোৱা দেখা যায়। ইয়াক প্ৰতিৰোধ কৰিবলৈ হাত ধুই খাদ্য খাব, সংক্ৰমিত লোকৰ সংস্পৰ্শলৈ নাহি আৰু কাহ, চৰ্দি আৰু জ্বৰ হ’লে পৰীক্ষা কৰাব।

Share This