জোনাই আৰক্ষী থানাৰ লকআপত আচামীৰ ৰহস্যজনক মৃত্যু

Kakali Deka March 30, 2025

ডিজিটেল ডেস্কঃ জোনাই আৰক্ষী থানাৰ লকআপৰ ভিতৰত এগৰাকী আচামীৰ ৰহস্যজনক মৃত্যু। আৰক্ষীৰ প্ৰহাৰত মৃত্যু হোৱাৰ সন্দেহ কৰিছে পৰিয়ালৰ লোকে ।

জোনাই আৰক্ষী থানাৰ লকআপৰ ভিতৰত এগৰাকী আচামীৰ ৰহস্যজনক মৃত্যুক লৈ তীব্ৰ উত্তেজনা সৃষ্টি হৈছে জোনাই আৰক্ষী থানাৰ চৌহদত।

জানিব পৰা মতে, শনিবাৰে জোনাইৰ উদয়পুৰ গাঁৱৰ নিৱাসী ইমৰান আলী নামৰ ২৫ বছৰীয়া যুৱকজনক জোনাই সীমান্ত লেকুৰ পৰা চুৰি কৰাৰ অভিযোগত আৰক্ষীয়ে আটক কৰি নিশা লকআপৰ ভিতৰত ৰাখে। কিন্তু আজি পুৱা প্ৰায় ৮ বজাত যুৱকজনে লকআপৰ ভিতৰত ৰহস্যজনকভাৱে চিপ লৈ মৃত্যু হোৱা অৱস্থাত উদ্ধাৰ কৰে আৰক্ষীয়ে।

ঘটনাৰ পিছতে পৰিয়ালৰ লোকে আৰক্ষী থানাত উপস্থিত হৈ থানাৰ চৌহদ উত্তাল কৰাৰ লগতে আৰক্ষী কৰ্তব্যৰত অৱস্থাত থকাৰ পিছতো কেনেকৈ লকআপৰ ভিতৰত আচামীৰ মৃত্যু হ'ব পাৰে বুলি প্ৰশ্ন কৰি উত্তপ্ত কৰি তুলিছে আৰক্ষী থানাৰ চৌহদ। এয়া আৰক্ষীৰ প্ৰহাৰত যুৱকজন মৃত্যু হোৱা বুলি অভিযোগ তুলিছে পৰিয়ালৰ লোকে।

Share This