দুটা চামৰাৰ বেগক লৈ কাকপথাৰত চাঞ্চল্য! কি ওলাল বেগত?

Kakali Deka February 18, 2025

ডিজিটেল ডেস্কঃ কাকপথাৰত পুৱাই চাঞ্চল্য৷ দুটা বেগক লৈ চাঞ্চল্যই বিৰাজ কৰে ৰাইজৰ মাজত৷ হঠাতে এক আতংকময় পৰিৱেশে বিৰাজ কৰে অঞ্চলটোত। বেগ দুটা খুলি দিয়াৰ লগে লগে কিবা অঘটন নঘটেতো, বুবু-বাবা চলিল ৰাইজৰ মাজত।

প্ৰাতঃভ্ৰমণ কৰিবলৈ যোৱা পথচাৰীয়ে প্ৰথমে প্ৰত্যক্ষ কৰে চামৰাৰ দুটা বেগ৷ ওচৰলৈ গৈ চাবলৈ কাৰো সাহস নাই। 

কাকপথাৰ বনাঞ্চলিক বিষয়া কাৰ্যালয় আৰু ভাৰতীয় সেনা চাউনিৰ সমীপৰ ১৫ নং ৰাষ্ট্ৰীয় ঘাইপথৰ এটা কালভাৰ্টৰ ওপৰত কোনোৱে এৰি থৈ যায় চামৰাৰ বেগ দুটা। 

ৰাইজৰ মাজত লাগিল হাহাকাৰ। কোনোৱে খবৰ দিলে আৰক্ষীক। খবৰ পোৱা মাত্ৰকেই ঘটনাস্থলীত হাজিৰ হ'ল আৰক্ষী।

আৰক্ষীয়ে বেগ দুটা জব্দ কৰি তদন্ত কৰে। আৰক্ষীৰ তদন্তত পোহৰলৈ আহে যে তাত কোনো বিস্ফোৰক সামগ্ৰী বা অন্য কোনো আপত্তিজনক সামগ্ৰী নাছিল। 

বেগৰ ভিতৰৰ পৰা পবিত্ৰ বাইবেল নামৰ এখন গ্ৰন্থ আৰু কিছু কাপোৰ উদ্ধাৰ কৰে আৰক্ষীয়ে৷

আৰক্ষীয়ে সামগ্ৰীসহ বেগ দুটা আৰক্ষী থানালৈ লৈ যায়৷

কোনে কি উদ্দেশ্য বেগ দুটা তাত এৰি থৈ গ'ল সেয়া জানিব পৰা হোৱা নাই।

আৰক্ষীয়ে বেগত কি আছে স্পষ্ট কৰি দিয়াৰ পাছতহে স্বস্তিৰ নিঃশ্বাস এৰে অঞ্চলটোৰ ৰাইজে।

 

উৎস- প্ৰাগ নিউজ ডিজিটেল

Share This