কাজিৰঙাত দিনক দিনে বাঢ়িছে পৰ্যটকৰ সংখ্যা

dainik janambhumi February 09, 2025

ডিজিটেল ডেস্ক: কাজিৰঙা ৰাষ্ট্ৰীয় উদ্যানত দিনক দিনে পৰ্যটকৰ সংখ্যা বৃদ্ধি পাইছে।বিগত তিনি মাহতে দুই লক্ষাধিক পৰ্যটকে কাজিৰঙা ৰাষ্ট্ৰীয় উদ্যান দর্শন কৰে। কাজিৰঙা ৰাষ্ট্ৰীয় উদ্যান দৰ্শনৰ উদ্দেশ্যে দেশী-বিদেশী পর্যটকে কাজিৰঙাক কেন্দ্ৰ কৰি গঢ় লৈ উঠা পর্যটন নিৱাসসমূহত বাহৰ পাতি জীপ ছাফাৰী আৰু হাতী ছাফাৰীৰে কাজিৰঙা ৰাষ্ট্ৰীয় উদ্যান দৰ্শন কৰিছে। 

পৃথিৱী বিখ্যাত এশিঙীয়া গঁড় দৰ্শন কৰাৰ উপৰি হাতী, বনৰীয়া ম'হ, হৰিণ, ঢেঁকীয়াপতীয়া বাঘ, বিভিন্ন প্ৰজাতিৰ পক্ষী দৰ্শন কৰিবলৈ বছৰি কাজিৰঙালৈ আগমন ঘটে বহু দেশী-বিদেশী পর্যটক। কাজিৰঙা ৰাষ্ট্ৰীয় উদ্যানৰ ক্ষেত্ৰ সঞ্চালক ড° সোণালী ঘোষে জনাইছে যে তিনি মাহত মুঠ ১,৯৬,৯৭০ দেশী-বিদেশী পর্যটকে কাজিৰঙা ৰাষ্ট্ৰীয় উদ্যান দৰ্শন কৰিছে। ইয়াৰে ১,৯০,০৪৭গৰাকী দেশীয় পর্যটক আৰু ৬,৯২৩গৰাকী বিদেশী পর্যটক। আনহাতে জানুৱাৰী মাহত মুঠ ৬৪,৮৪৪গৰাকী দেশী-বিদেশী পৰ্যটকে কাজিৰঙা ৰাষ্ট্ৰীয় উদ্যান দর্শন কৰে। ইয়াৰে ৬২,৮৩৮গৰাকী দেশীয় পর্যটক আৰু ২,০০৬গৰাকী বিদেশী পর্যটক।

Share This