লিডুৰ ইটাখোলাত বনজুই

Dainik janambhumi February 06, 2025

ডিজিটেল ডেস্কঃ মাৰ্ঘেৰিটা সমজিলাৰ অধীনস্থ লিডুৰ ইটাখোলা অঞ্চলৰ ৰে'লপথৰ কাষত থকা অৰণ্যখনত বুধবাৰে হঠাৎ এক বনজুয়ে আগুৰি ধৰে। নিমিষতে বনজুইৰ অগ্নি বৃহত্তৰ অঞ্চললৈ সম্প্ৰসাৰিত হয়। হঠাৎ উৎপত্তি হোৱা এই বনজুয়ে অঞ্চলটোত এক আতংকময় পৰিৱেশৰ সৃষ্টি কৰে। কিন্তু পাছত অগ্নিনির্বাপক বাহিনী আৰু উত্তৰ-পূব কয়লা ক্ষেত্ৰৰ লোকৰ তৎপৰতাত বনজুই নিয়ন্ত্রণ হয়।

অৱশ্যে এই বনজুইৰ উৎপত্তি কিদৰে হ'ল সেয়া বর্তমানো ৰহস্যৰ আৱৰ্তত। মাৰ্ঘেৰিটা সমজিলাৰ অন্যতম চোৰাং কয়লা খনন আৰু সৰবৰাহস্থলী মোলং পাহাৰৰ নামনিত আকস্মিকভাৱে লগা এই বনজুইৰ মূলতে কোনোবা দুষ্কৃতিকাৰীৰ কাণ্ড বুলি সন্দেহ প্রকাশ কৰিছে একাংশই। আনফালে, হঠাৎ বনজুই উৎপন্ন হোৱা ঠাইখণ্ড ড্রাগছ সৰবৰাহ আৰু সেৱনকাৰীসকলৰ এক অন্যতম ঘাটিৰূপে চিহ্নিত হৈ আহিছে। পৰিণতিত ড্ৰাগছ সেৱন কৰি থকা মুহূৰ্তত কেনেবাকৈ ড্ৰাগছ সেৱনত ব্যৱহৃত জুইৰ ফিৰিঙতি পৰি বনজুইৰ সৃষ্টি কৰা বুলিও সন্দেহ প্রকাশ কৰিছে অন্য একাংশই।

Share This