মঙলদৈৰ জাবৰিকুচিত শোকাৱহ ঘটনা, চাৰি বছৰীয়া পুত্ৰৰ সন্মুখতে মাতৃৰ দুৰ্ঘটনাত মৃত্যু 

Rashmi March 08, 2025

ডিজিটেল ডেস্কঃ মঙলদৈত সংঘটিত হৈছে লোমহৰ্ষক  ঘটনা ৷ বিদ্যুতৰ খুঁটা পৰি মৃত্যু  ঘটে এগৰাকী মহিলাৰ। মৃত মহিলাগৰাকী কোচবিহাৰৰ পানাকুচিৰ মল্লিকা দাস।

উল্লেখযোগ্য যে মল্লিকা দাস আৰু স্বামী বকুল দাসে নিজৰ একমাত্ৰ চাৰি বছৰীয়া পুত্ৰৰ সৈতে মঙলদৈ জাবৰিকুচিৰ ৰুছেন দাসৰ ঘৰত বিবাহ কাৰ্যত ভাগ ল'বলৈ আহিছিল।

বিবাহ সুকলমে সম্পন্ন হৈ যোৱাৰ পিছত মল্লিকা দাস নামৰ মহিলাগৰাকী ওচৰতে ফুৰিবলৈ আহিছিল। 
সেই সময়তে পথৰ কাষত কেইজনমান  লোকে গছ কাটি আছিল। কাটি থকা গছ বাগৰি বিদ্যুতৰ তাঁৰত আহি পৰে আৰু  বিদ্যুতৰ খুঁটা উভালি মল্লিকা দাসৰ মূৰৰ ওপৰতে পৰে।

স্থানীয় লোকে ততাতৈয়াকৈ মঙলদৈৰ এখন ব্যক্তিগত চিকিৎসালয়ত ভৰ্তি কৰাই যদিও মহিলাগৰাকীৰ মৃত্যু হয়।

উৎস: প্ৰাগ নিউজ ডিজিটেল
 

Share This