বজাৰত ভাৰত সুন্দৰী, বৰ সুন্দৰী, বাংলাদেশী ৰেড সুন্দৰীৰ ব্যাপক সমাদৰ

Dainik janambhumi February 16, 2025

ডিজিটেল ডেস্কঃ এসময়ত বানে গৰকা পশ্চিম ধেমাজিৰ লগুৱা বৰাত এতিয়া হোেৰাহোৰে ওলাইছে ভাৰত সুন্দৰী, বৰ সুন্দৰী, বাংলাদেশী ৰেড সুন্দৰী। ভাৰত সুন্দৰী, বৰ সুন্দৰী, বাংলাদেশী ৰেড সুন্দৰী আদিয়ে বিশেষ আকৰ্ষণৰ কেন্দ্ৰবিন্দু হৈ পৰিছে অঞ্চলটোত। 

এয়া কোনো ব্যক্তিৰ নাম নহয়। এয়া হৈছে বিভিন্ন প্রজাতিৰ বগৰী ফলৰ নাম। বজাৰত উপলব্ধ হৈছে বিভিন্ন প্ৰকাৰৰ বগৰী। থলুৱা বগৰীৰ উপৰি আপেল বগৰীকে ধৰি ভিন্ন প্ৰজাতিৰ বগৰীয়ে ৰাজ্যৰ বজাৰ দখল কৰিছে। তাৰ মাজতে ৰাজনীতিৰ পথাৰখনৰ পৰা বাংলাদেশী ৰেড সুন্দৰী, ভাৰত সুন্দৰীৰ মোহত বন্দী ধেমাজিৰ এজন উদ্যমী কৃষক গিৰীন্দ্ৰ চুতীয়াই। 

উন্নতমানৰ বগৰীৰ পৰা বছৰি ৪-৫ লাখ টকা আয় কৰিছে লগুৱা বৰাৰ এইজন কৃষকে। এতিয়া ভাৰত সুন্দৰী, বৰ সুন্দৰী, বাংলাদেশী ৰেড সুন্দৰীয়ে ভিৰ কৰিছে বানে গৰকা পশ্চিম ধেমাজিৰ লগুৱা বৰাৰ এইজন কৃষকৰ বাৰীত। 

ভিন্ন প্ৰজাতিৰ বগৰী খেতি কৰি বর্তমান স্বাৱলম্বী হৈছে পশ্চিম ধেমাজিৰ লগুৱা বৰা গাঁৱৰ উদ্যমী যুৱক গিৰীন্দ্ৰ চুতীয়া। উদ্যমী গিৰীন্দ্ৰ চুতীয়াই সম্প্ৰতি চাৰি বিঘা ভূমিত এঘাৰ শ জোপা বগৰী ৰোপণ কৰি এতিয়া বছৰত ছয় লাখ টকা উপার্জন কৰে। উদ্যমী যুৱকজনৰ বাৰীত এতিয়া ডাল ভৰি ভৰি লাগিছে সুস্বাদু বগৰী। অৰ্থনৈতিক বিপ্লৱৰ চিন্তাই আজি সফল কৃষক হিচাপে পৰিগণিত হৈছে গিৰীন্দ্ৰ চুতীয়া। এসময়ত বানে গৰকা বৃহত্তৰ পশ্চিম ধেমাজি অঞ্চলৰ অৱস্থা আছিল তথৈৱচ। এতিয়া আৰু সেই দিন নাই। 

ইপিনে আমাৰ নিবনুৱা যুৱক-যুৱতীসকলে বগৰী খেতিৰ জৰিয়তেও যে স্বাৱলম্বী হ'ব পাৰি বুলি উল্লেখ কৰি গিৰীন্দ্ৰ চুতীয়াই ইউটিউবত চাই তেওঁ বগৰী খেতি কৰিবলৈ চিন্তা কৰিলে। আশী শতাংশ জৈৱিক পদ্ধতি আৰু গোেৱৰ সাৰ ব্যৱহাৰ কৰাৰ বিষয়ে অৱগত কৰি উদ্যমী যুৱকজনে কেৱল বগৰী খেতিয়ে নহয়, তেওঁ বাৰীত চাহ খেতিকে ধৰি অন্যান্য পাচলি আৰু বহু মূল্যৱান গছো ৰোপণ কৰিছে যুৱক। বর্তমান অসমত নিবনুৱা সমস্যাই ভয়ংকৰ ৰূপ বাৰণ কৰাৰ সময়তে এজন অসমীয়া যুৱকৰ এই দুর্দান্ত কর্মপটুতা নিঃসন্দেহে এক প্রশংসনীয়। 

ইফালে গিৰীন্দ্ৰ চুতীয়াৰ এই কৰ্মৰাজিত গৌৰৱান্বিত তেওঁৰ একালৰ শিক্ষাগুৰু। এইক্ষেত্ৰত নৱ প্ৰজন্মক এনেধৰণৰ কৃষিকৰ্মৰ জৰিয়তে নিজৰ লগতে অঞ্চলটোৰ গ্ৰাম্য অর্থনীতি টনকিয়াল কৰিবলৈ আহ্বান জনায় শিক্ষাগুৰুজনে।

Share This