এটা বছৰৰ মূৰত বড়খলাৰ পৰা অপহৃত যুৱতীক উদ্ধাৰ, এজন যুৱকক গ্ৰেপ্তাৰ

Kakali Deka March 21, 2025

ডিজিটেল ডেস্কঃ অৱশেষত এটা বছৰৰ মূৰত উদ্ধাৰ হল এগৰাকী অপহৃত যুৱতী৷ বড়খলা জাৰইলতলাৰ পৰা অপহৃত হৈছিল নাথ উপাধিৰ যুৱতীগৰাকী৷ অপহৰণকাৰী যুৱক গ্ৰেপ্তাৰ। 

উদ্ধাৰৰ পাছত অপহৃত যুৱতীক পৰিয়ালৰ হাতত ছমজাই দিয়া হয়৷ আনহাতে, অভিযুক্ত যুৱকজনক বড়খলা আৰক্ষীয়ে গ্ৰেপ্তাৰ কৰি থানালৈ লৈ যায়। 

উল্লেখযোগ্য যে ২০২৪ চনত বড়খলা থানাধীন জাৰইলতলাত সংঘটিত হৈছিল এই অপহৰণ কাণ্ড। এই সন্দৰ্ভত নিখোঁজ যুৱতীৰ পৰিয়ালৰ পক্ষৰ পৰা বড়খলা থানাত এটা গোচৰ দাখিল কৰা হৈছিল।

তেতিয়াৰে পৰা যুৱতীগৰাকীৰ সন্ধানত নামি পৰিছিল আৰক্ষী। প্ৰায় এটা বছৰৰ মূৰত অবশেষত সফলতা পালে আৰক্ষীয়ে। 

বৃহস্পতিবাৰে বড়খলা আৰক্ষীৰ অভিযানত জাৰইলতলাৰ এটা গোপন ঘৰৰ পৰা উক্ত যুৱতীক উদ্ধাৰ কৰা হয়। লগতে, অপহৰণৰ ঘটনাত জড়িত তপন নাথ নামৰ যুৱকজনক আটক কৰে। 

প্ৰাথমিক তদন্তৰ অন্তত বড়খলা আৰক্ষীৰ মতে, এইটো অপহৰণৰ ঘটনা নহয়, বৰং প্ৰেমৰ টানতে দুয়োজনে পলায়ন কৰিছিল।

 

উৎস প্ৰাগ নিউজ ডিজিটেল

Share This