দোকানৰ বাকী টকা খোজাই কাল হ’ল মৈৰাবাৰীৰ মফিদা খাতুনৰ!

Kakali Deka March 27, 2025

ডিজিটেল ডেস্কঃ মাত্ৰ ৮৪০০ টকাই কাল হ’ল মৈৰাবাৰীৰ নজিৰ নগৰৰ মফিদা খাতুন নামৰ যুৱতী গৰাকীৰ। হয়, এই ঘটনা সংঘটিত হৈছে মৈৰাবাৰীত। 

পিতৃ-মাতৃহীন মফিদা খাতুন আৰু অকলশৰীয়া আইতাকে নিজ ঘৰতে এখন গেলামাল আৰু চাহৰ দোকান দি কোনোমতে পৰিয়াল পোহপাল দি আছিল। 

একেখন গাঁৱৰে হবিবুল্লাহ নামৰ লোকজনে দোকানৰ পৰা বাকী নিয়া টকাখিনি খোজাৰ বাবে যুৱতী গৰাকীক দোকানৰ পৰা চোঁচৰাই নি মাৰপিট কৰে ৷হবিবুল্লাহৰ লগতে জড়িত আছিল পৰিয়ালৰ অন্যান্য লোক ।

গুৰুতৰভাৱে আহত হোৱা যুৱতী গৰাকীয়ে মৈৰাবাৰী আৰক্ষী থানাত উপস্থিত হৈ হবিবুল্লাহ আৰু তেওঁৰ পৰিয়ালৰ বিৰুদ্ধে এজাহাৰ দাখিল কৰে।

ইতিমধ্যে মৈৰাবাৰী আৰক্ষী থানাৰ আৰক্ষী ঘটনাস্থলীত উপস্থিত হৈ ঘটনা সন্দৰ্ভত তদন্ত আৰম্ভ কৰিছে বুলি জানিব পৰা গৈছে। আনহাতে অভিযুক্ত হবিবুল্লাহ বৰ্তমান পলাতক অৱস্থাত আছে।

 

উৎস প্ৰাগ নিউজ ডিজিটেল

Share This