নদুৱাৰৰ দক্ষিণ বালিজুৰিত সম্প্ৰীতিৰ নিদৰ্শন দাঙি ধৰিলে এখন বিয়াই

Kakali Deka February 13, 2025

ডিজিটেল ডেস্ক: দুখন গাঁৱৰ দুই যুৱক- যুৱতীয়ে ধৰ্মীয় ৰীতি-নীতিৰে বিবাহপাশত আবদ্ধ হৈ কঢ়িয়াই আনিলে সমন্বয়ৰ বাৰ্তা৷ কিয়নো নদুৱাৰৰ দক্ষিণ বালিজুৰিত সম্প্ৰীতিৰ নিদৰ্শন দাঙি ধৰিলে এখন বিয়াই । 

উল্লেখযোগ্য যে যিটো সময়ত চৰকাৰে গোৰ্খা জনগোষ্ঠীক অসমীয়া জাতিৰ অবিচ্ছেদ্য অংগ বুলি কৈ আহিছে তেনে সময়তে কৃষ্ণ বৰা নামৰ যুৱকজনে গোৰ্খা জনগোষ্ঠীৰ কল্পনা নেৱাৰ নামৰ কন্যাগৰাকীৰ সৈতে সম্পূৰ্ণ সামাজিক নীতি- নিয়মেৰে বিবাহ পাশত আবদ্ধ হয় । 

বৃহত্তৰ দক্ষিণ বালিজুৰি অঞ্চলৰ বালিজুৰি ক, শাখা আৰু বালিজুৰি খ, শাখা নামৰ এই দুইখন গাঁৱৰ দুটাকৈ পৰিয়ালৰ দুই যুৱক-যুৱতীয়ে এনেদৰে সমাজৰ বাবে কঢ়িয়াই আনিলে ঐক্য- সম্প্ৰীতি আৰু সমন্বয়ৰ এক বিশেষ বাৰ্তা । প্ৰায় পাঁচ কিলোমিটাৰ পথ খোজকাঢ়ি দৰা আহিল কইনাৰ ঘৰলৈ৷ কইনা নিবলৈ দৰাৰ সৈতে অহা সকলো পুৰুষ-মহিলা, যুৱক-যুৱতীয়ে নাচি-বাগি আহি কইনাৰ বাসগৃহৰ পদূলিত উপস্থিত হোৱা দেখি কইনাৰ পিতৃ-মাতৃ আৰু পৰিয়ালৰ লোকসকলৰ লগতে গাঁওবাসী ৰাইজে ধৰ্মীয় ৰীতি-নীতিৰ মাজেৰেই জনালে বিপুল আদৰণি।

Share This