গুৱাহাটীত ভয়ংকৰ পথ দুৰ্ঘটনাত ঘগ্ৰাপাৰ থানাৰ OC বিৰিঞ্চি দাসৰ থিতাতে মৃত্যু

Kakali Deka February 27, 2025

ডিজিটেল ডেস্কঃ গুৱাহাটীত সংঘটিত ভয়ংকৰ পথ দুৰ্ঘটনাত অকাল মৃত্যুক সাবটিলে ঘগ্ৰাপাৰ থানাৰ OC বিৰিঞ্চি দাসে।

এখন ছুইফট ডিজায়াৰ বাহনৰ খুন্দাত মৃত্যু হয় আৰক্ষী বিষয়াগৰাকীৰ। মহানগৰীৰ লালমাটিত ঘটিছে এই ভয়ংকৰ পথ দুৰ্ঘটনা।

তীব্ৰ বেগী ছুইফট বাহনে মহতিয়াই নিলে স্কুটিৰে গৈ থকা বিৰিঞ্চি দাসক। নিমিষতে চূৰ্ণ-বিচূৰ্ণ হৈ পৰে স্কুটিখন।

থিতাতে নিহত হয় আৰক্ষী বিষয়া বিৰিঞ্চি দাস। এমাহৰ ছুটীত আছিল আৰক্ষী বিষয়াগৰাকী। মাতৃৰ বিয়োগ হোৱাৰ বাবে লৈছিল এমাহৰ ছুটী।

স্কুটিখনক খুন্দা মাৰি নিয়ন্ত্ৰণ হেৰুৱাই ডিভাইডাৰৰ মাজত পৰে ছুইফট বাহনখন। ছুইফট বাহনখনৰ নম্বৰ AS 01AY 9101।

ঘটনাস্থলীৰ পৰা পলায়ন কৰে ছুইফট বাহনখনৰ চালক। জানিব পৰা মতে ৰাষ্ট্ৰীয় ঘাইপথ পাৰ হ'বলৈ লওঁতে বাহনখনে প্ৰচণ্ড জোৰে খুন্দা মাৰে স্কুটিখনক।

নিশা প্ৰায়ে দুৰ্ঘটনা সংঘটিত হৈ আহিছে উক্ত স্থানত। পূৰ্বে যোৰাবাট, পাণবজাৰ আৰক্ষী থানাত কৰ্মৰত আছিল বিৰিঞ্চি দাস।

উৎসঃ প্ৰাগ নিউজ ডিজিটেল

চুমি, বিশাল, দীপাংকৰৰ কেলেংকাৰিৰ নতুন তথ্য ফাদিল