বিশিষ্ট সংগীতজ্ঞ ৰমেন বৰুৱা সন্ধানহীন,লতাশিল থানাত এজাহাৰ

Digital desk July 23, 2024

ডিজিটেল ডেস্কঃ ৰাজ্যৰ প্ৰখ্যাত সংগীত পৰিচালক ৰমেন বৰুৱা সন্ধানহীন হৈছে। ২২জুলাই পুৱা ঘৰৰ পৰা ওলাই যোৱাৰ পাছৰে পৰা  পৰিয়ালে তেওঁৰ সন্ধান লাভ কৰা নাই। 

সম্প্রতি তেওঁৰ পৰিয়ালৰ লগতে  গুণমুগ্ধসকল উদ্বিগ্ন হৈ পৰাৰ লগতে এই সন্দৰ্ভত আৰক্ষীৰ কাষ চাপিছে। - উল্লেখযোগ্য যে ৰমেন বৰুৱা ২২জুলাইৰ পুৱা প্রায় ১০ বজাত ঘৰৰ পৰা লতাশিলস্থিত গণেশ মন্দিৰলৈ বুলি ওলাই গৈছিল। কিন্তু ঘৰৰ পৰা ওলাই যোৱাৰ পাছৰে পৰা শিল্পীজনৰ সৈতে পৰিয়ালে যোগাযোগ কৰিব পৰা নাই। তেতিয়াৰ পৰাই শিল্পীজন সন্ধানহীন অৱস্থাত আছে। পৰিয়ালে বিভিন্ন স্থানত তেওঁৰ সন্ধান বিচাৰিও ব্যর্থ হয়। সম্ভাব্য সকলো স্থানতে বিচাৰ-খোঁচাৰ কৰাৰ পাছতো তেওঁৰ কোনো সন্ধান লাভ নকৰাত সন্ধিয়া পৰিয়ালৰ লোকসকল লতাশিল আৰক্ষীৰ কাষ চাপে। ঘটনাৰ সন্দৰ্ভত পৰিয়ালে আৰক্ষীক এখন এজাহাৰ দাখিল কৰিছে। 

উল্লেখযোগ্য যে শিল্পীজনৰ লগত থকা ম'বাইল ফ'নটোও ছুইচ অফ্ হৈ আছে বুলি জানিব পৰা গৈছে। তেওঁৰ আকস্মিক সন্ধানহীনতাই ইতিমধ্যে পৰিয়ালৰ লগতে গুণমুগ্ধসকলকো উদ্বিগ্ন কৰি তুলিছে।
 

Share This