'টাইম' আলোচনীৰ ২০২৫ বৰ্ষৰ শ্ৰেষ্ঠ মহিলা সন্মান লাভ কৰা পূৰ্ণিমা দেৱী বৰ্মনক গুৱাহাটী বিমানবন্দৰত উষ্ম আদৰণি

Kakali Deka March 01, 2025

ডিজিটেল ডেস্কঃ হাড়গিলাৰ সুৰক্ষা আৰু সংৰক্ষণেৰে বিশ্ব দৰবাৰত পৰিচিত হোৱা পূৰ্ণিমা দেৱী বৰ্মনক  USAৰ  বহুল জনপ্ৰিয় 'টাইম' আলোচনীৰ ২০২৫ বৰ্ষৰ শ্ৰেষ্ঠ মহিলা সন্মান লাভ কৰাক লৈ আনন্দিত ৰাজ্যবাসী। USAত এক বৰ্ণিল অনুষ্ঠানত বিশ্বৰ ১৩গৰাকী মহিলাক বিভিন্ন ক্ষেত্ৰত আগবঢ়োৱা অৱদানৰ বাবে এই সন্মান জনোৱা হয়। 

সকলোৰে ভিতৰত অসম তথা ভাৰতৰ একমাত্ৰ মহিলা হিচাপে হাড়গিলা বাইদেউ ৰূপে পৰিচিত পূৰ্ণিমা দেৱী বৰ্মন আছিল অন্যতম। 'টাইম' আলোচনীৰ ২০২৫ বৰ্ষৰ শ্ৰেষ্ঠ মহিলাৰ সন্মান লাভ কৰি গুৱাহাটী বিমানবন্দৰত উপস্থিত হোৱাৰ লগে লগে  প্ৰকৃতিবিদ ড° পূৰ্ণিমা দেৱী বৰ্মনক উষ্ম আদৰণি জনাই শুভাকাংক্ষীয়ে।

বিমানবন্দৰত উপস্থিত হৈ শ্ৰেষ্ঠ মহিলাৰ সন্মান লাভ কৰি কেনেকুৱা লাগিল আৰু বঁটা প্ৰদান কৰা অনুষ্ঠানত কোন কোন আছিল সেয়া সাংবাদিকৰ আগত ব্যক্ত কৰে পূৰ্ণিমা দেৱী বৰ্মনে।

পূৰ্ণিমা দেৱী বৰ্মনৰ এই সাফল্যত আজি গৌৰৱান্বিত অসমবাসী।

উৎস: প্ৰাগ নিউজ ডিজিটেল
 

Share This