ঢোলৰ গুমগুমনিয়ে দিছে বহাগ অহাৰ বতৰা 

Kakali Deka March 31, 2025

 

ডিজিটেল ডেস্কঃ                "বৰঘৰৰ মূধতে তাঁতে ব‌ই আছিলোঁ ,
                                                       ঘনাই মাৰিছিলোঁ মাকো,

                                                      আঁহতৰ তলতে টকাৰ মাত শুনিলোঁ 
                                                               ঘৰত ম‌ই কেনেকৈ থাকোঁ "

 

চাওঁতে চাওঁতে পদূলি মুখ পালেহি হেঁপাহৰ ৰঙালী বিহুটি । মাজত মাথোঁ আৰু কেইটামান দিন। ঢোলৰ গুমগুমনিৰ শব্দ‌ই ৰজনজনাইছে ৰাজ্যৰ আকাশ-বতাহ। কুলি-কেতেকীৰ মাতেও দিছে বহাগ অহাৰ বতৰা।  বছৰটোৰ বাবে গৃহস্থক আশিস দিবলৈ সাঁজো হৈ উঠিছে গাঁৱৰ বিহু হুঁচৰি দলসমূহ।  ৰাজ্যৰ প্ৰতিটো প্ৰান্ততে এতিয়া উখল-মাখল পৰিৱেশ। ঠায়ে ঠায়ে আৰম্ভ হৈছে বিহুৰ কৰ্মশালা।

 

ব্যতিক্ৰম নহয় বোকাখাত ৷ বোকাখাত কেন্দ্ৰীয় বসন্ত উৎসৱ উদযাপন সমিতিৰ  উদ্যোগত  অনুষ্ঠিত হৈছে বিহু নাচৰ আৰু ঢোল বাদনৰ কৰ্মশালা। অভিজ্ঞ প্ৰশিক্ষক, লতাশিল বিহুৰ সম্ৰাজ্ঞী সংগীত কাকতি গোস্বামী, পাহাৰী বৰুৱা আৰু ঢোলৰ ওজা দেৱন গগৈৰ দ্বাৰা প্ৰশিক্ষণ প্ৰদান কৰা কৰ্মশালাখনত অৰ্ধশতাধিক কণ কণ শিশু, কিশোৰীয়ে অংশগ্ৰহণ কৰিছে।

Share This