প্ৰধানমন্ত্ৰীলৈ বিশেষ সন্মান অসমৰ প্ৰখ্যাত ফেশ্বন ডিজাইনাৰ সংযুক্তা দত্তৰ

Rashmi August 07, 2025

ডিজিটেল ডেস্কঃ  দেশৰ আগশাৰীৰ ফেশ্বন ডিজাইনাৰ আৰু অসমৰ গৌৰৱ সংযুক্তা দত্তই প্ৰধানমন্ত্ৰী মোদীলৈ যাচিছে বিশেষ সন্মান।  ৰাষ্ট্ৰীয় হস্ততাঁত দিৱস উপলক্ষে আগবঢ়োৱা হৈছে এই সন্মান। মোদীৰ প্ৰতিচ্ছবিৰে হাতেৰে সজ্জিত কৰিলে অংগবস্ত্ৰ।

এই হস্তনিৰ্মিত কৰ্মৰ জৰিয়তে সংযুক্তা  দত্তই প্ৰধানমন্ত্ৰী মোদীৰ দূৰদৰ্শী নেতৃত্ব আৰু হস্ততাঁত শিল্পক পুনৰুজ্জীৱিত কৰা ক্ষেত্ৰত তেওঁৰ অবিৰত প্ৰচেষ্টাৰ প্ৰতি গভীৰ শ্ৰদ্ধা প্ৰকাশ কৰিছে।

সংযুক্তা দত্তৰ মতে, “এই প্ৰতীকধর্মী সৃষ্টিৰে দেশৰ তাঁতশিল্পী সমাজৰ প্ৰতিও সন্মান জ্ঞাপন কৰা হৈছে। হস্ততাঁত ক্ষেত্ৰখন উজলাই তোলাৰ বাবে মাননীয় প্ৰধানমন্ত্ৰীগৰাকীয়ে যি দৃঢ় প্ৰতিশ্ৰুতি আৰু অম্লান উৎসাহ দেখুৱাই আহিছে, এই অংগবস্ত্ৰখনি তাৰেই এক সুদৃঢ় প্ৰতিচ্ছবি।”

উল্লেখ্য যে এই পদক্ষেপৰ জৰিয়তে দেশৰ তাঁত শিল্পীসকলৰ হেঁপাহ আৰু পৰম্পৰাগত শিল্পক নতুন উৎসাহ আৰু স্বীকৃতি দিয়া হৈছে।


উৎস : প্ৰাগ নিউজ ডিজিটেল

Share This