দৰঙৰ খাৰুপেটীয়াত ভয়ংকৰ পথ দুৰ্ঘটনা

Kakali Deka March 24, 2025

ডিজিটেল ডেস্কঃ দৰঙৰ খাৰুপেটীয়াৰ  ১৫ নং ৰাষ্ট্ৰীয় ঘাইপথত সংঘটিত হৈছে ভয়ংকৰ পথ দুৰ্ঘটনা। দুৰ্ঘটনাটোত থিতাতে নিহত দুজন লোক।

AS-20-2289 নম্বৰৰ বাছত থকা দুগৰাকী যাত্ৰী নিহত হোৱা বুলি জানিব পৰা যায়। এখন ডি আই  বাহনে আলট্ৰা বাছখনক খুন্দা মাৰে।

নিহত ব্যক্তিকেইজন এতিয়ালৈ চিনাক্ত হোৱা  নাই। দুৰ্ঘটনাটো ইমানেই ভয়ংকৰ আছিল যে বাছৰ ভিতৰত মৃতদেহ ওলমি আছিল।

বাছখন তেজপুৰৰ পৰা গুৱাহাটী অভিমুখে আহি থকাৰ অৱস্থাত সংঘটিত হয় এই দুৰ্ঘটনাটো। আহতসকলক মঙলদৈ অসামৰিক চিকিৎসালয়ত ভৰ্তি কৰোৱা হৈছে।

ঘটনাস্থলীত উপস্থিত হৈ উচ্চ পৰ্যায়ৰ আৰক্ষী বিষয়াই ঘটনাটোৰ বুজ লয়।

Share This