ৰৌতাত মৰেল পুলিচিঙৰ ঘটনাত মৃত্যু হোৱা লালমোহন ৰায়ৰ আজি আদ্যশ্ৰাদ্ধ 

Kakali Deka April 01, 2025

ডিজিটেল ডেস্কঃ ওদালগুৰিৰ ৰৌতাত মৰেল পুলিচিঙৰ ঘটনাত মৃত্যু হোৱা লালমোহন ৰায়ৰ আজি আদ্যশ্ৰাদ্ধ| এক শোকাকুল পৰিৱেশে বিৰাজ কৰিছে মৃত লালমোহন ৰায়ৰ বাসগৃহত| যোৱা ১৩ মাৰ্চত তামোল চুৰৰ সন্দেহত ৰৌতাৰ কঠালবাৰী গাঁৱৰ কেইজনমান লোকৰ গণ প্ৰহাৰৰ পাছতেই ২০ মাৰ্চত মৃত্যু হৈছিল লালমোহন ৰায় নামৰ এগৰাকী যুৱকৰ| 

ঘটনাৰ পাছতেই অঞ্চলটোত সৃষ্টি হৈছিল উত্তেজনাময় পৰিস্থিতিৰ| ঘটনাৰে জড়িত ৩ জন ব্যক্তিৰ দুজনক গ্ৰেপ্তাৰ কৰিছিল ৰৌতা আৰক্ষীয়ে | পলাতক খেম নেৱাৰ ওৰফে বিতু নেৱাৰক গ্ৰেপ্তাৰৰ বাবে আৰক্ষীয়ে ৰাইজৰ পৰা বিচাৰিছিল দুদিনৰ সময়| কিন্তু মৃত্যুৰ ১৩ দিন উকলি যোৱাৰ পাছতো আৰক্ষীয়ে গ্ৰেপ্তাৰ কৰাত ব্যর্থ হৈছে খেম নেৱাৰ ওৰফে বিতু নেৱাৰক| আৰক্ষীয়ে  গ্ৰেপ্তাৰৰ বাবে দুদিনৰ সময়সীমা বান্ধি দিছিল যদিও আজি পর্যন্ত মুকলি আকাশৰ তলত খেম নেৱাৰ ওৰফে বিতু নেৱাৰ| 

অতিশীঘ্ৰে পলাতক খেম নেৱাৰক গ্ৰেপ্তাৰৰ দাবী মৃত লালমোহন ৰায়ৰ মাতৃ তথা সদৌ অসম কোচ ৰাজবংশী ছাত্ৰ সন্থাৰ কেন্দ্রীয় সভাপতি অতুল বৰ্মনৰ| 

অতিশীঘ্রে পলাতক খেম নেৱাৰ ওৰফে বিতু নেৱাৰক গ্ৰেপ্তাৰৰ লগতে ঘটনাৰে জড়িত আটাইকে ফাঁচিৰ দাবী দুৰ্ভগীয়া মাতৃৰ|

 

 

উৎস প্ৰাগ নিউজ ডিজিটেল

Share This