ছেচং কিৰিৰ সফলতাই‌ গৌৰৱ কঢ়িয়াই আনিলে পশ্চিম কাৰ্বি আংলং জিলালৈ

Rashmi July 20, 2025

ডিজিটেল ডেস্কঃ পশ্চিম কাৰ্বি আংলঙৰ বৈঠালাংছ'ৰ ছেচং‌কিৰি টিমুঙৰ সফলতাই সমগ্ৰ পাহাৰীয়া জিলাখনলৈ এক গৌৰৱ কঢ়িয়াই আনিছে। অসম চৰকাৰে শেহতীয়াকৈ অভিযান্ত্ৰিক আৰু পলিটেকনিক মহাবিদ্যালয়ৰ বাবে প্ৰদান কৰা নিযুক্তিত‌ এগৰাকী প্ৰবক্তা হিচাপে নিযুক্তি লাভ কৰিবলৈ সক্ষম হয় ছেচংকিৰিয়ে। 

ছেচংকিৰি , বৈঠালাংছ'ৰ চক্ৰ টিমুং আৰু বাছাপী ৰংপিপীৰ সুযোগ্য সন্তান । আৰ্থিকভাৱে দুৰ্বল হোৱাৰ হেতু ছেচংকিৰিক পিতা-মাতৃয়ে  ব্যক্তিগত বিদ্যালয়ত‌ শিক্ষা গ্ৰহণ কৰোৱাব পৰা নাছিল।গতিকে প্ৰাথমিক পৰ্যায়ৰ পৰা স্নাতোকোত্তৰ ডিগ্ৰীলৈকে সকলো পৰ্যায়ৰ শিক্ষা কেৱল চৰকাৰী বিদ্যালয়তে গ্ৰহণ কৰিছিল। পলিটেকনিক কলেজৰ কাৰিকৰী বিভাগৰ প্ৰবক্তা হিচাপে নিযুক্তি লাভ কৰা ছেচংকিৰি  জিলাখনৰ ভিতৰতেই প্ৰথমগৰাকী প্ৰাৰ্থী । ডিফু পলিটেকনিক মহাবিদ্যালয়ত নিযুক্তি লাভ কৰা ছেচংকিৰি টিমুঙৰ এই সফলতাত ছেচংকিৰিৰ পিতৃ-মাতৃৰ লগতে সমগ্ৰ পাহাৰীয়া জিলাবাসীয়ে গৌৰৱ অনুভৱ কৰিছে, লগতে তেওঁৰ  উজ্জ্বল ভৱিষ্যৎ কামনা কৰিছে।


উৎস : প্ৰাগ নিউজ ডিজিটেল

 

Share This