সধৱাক বিধৱা সজাই অৰুণোদয়ত নামভৰ্তিৰ অভিযোগ ; অৰুণোদয় ৩.o-ত পোহৰলৈ আহিছে ভয়ংকৰ অনিয়ম

Kakali Deka March 12, 2025

ডিজিটেল ডেস্কঃ অৰ্ধ-শতাধিক মহিলাই উত্তপ্ত কৰিলে বটদ্ৰৱা ওপৰ ডুমডুমীয়া গাঁও পঞ্চায়ত ৷ নগাঁও জিলাৰ বটদ্ৰৱা ওপৰ ডুমডুমীয়াত অৰুণোদয় ৩.o-ত পোহৰলৈ আহিছে ভয়ংকৰ অনিয়ম।

সধৱাক বিধৱা সজাই অৰুণোদয়ত নামভৰ্তিৰ গুৰুতৰ অভিযোগ। অৰুণোদয় আঁচনিৰ বাবে বাছনি কমিটীৰ সদস্যক ধন নিদিয়াৰ বাবে নাম কৰ্তনৰ অভিযোগ। অৰুণোদয় আঁচনিৰ বাবে বাছনি কৰা কমিটীৰ সদস্য এজনক জবাবদিহি ৰাইজৰ।

গাঁওখনৰে দৰিদ্ৰ বিধৱা এইসকল মহিলাই পূৰ্বৰে পৰা অৰুণোদয় আঁচনিৰ ধন লাভ কৰি আহিছে। পূৰ্বৰে পৰা অৰুণোদয় আঁচনিৰ ধন লাভ কৰি অহা মহিলাসকলৰ পৰা উৎকোচ নাপাই অযোগ্য হিতাধিকাৰীৰ পৰা উৎকোচ লৈ অৰুণোদয় আঁচনিত নাম অন্তৰ্ভুক্ত কৰাৰ অভিযোগ উত্থাপন হৈছে বাছনী কমিটীৰ একাংশ লোকৰ বিৰুদ্ধে । 

আনফালে গাঁও পঞ্চায়তৰ সভানেত্ৰীৰ বিৰুদ্ধেও অৰুণোদয় আঁচনিৰ নামত এহাজাৰকৈ টকা লোৱাৰ ভয়ংকৰ অভিযোগ উত্থাপিত হৈছে। ৰাজ্যৰ মুখ্যমন্ত্রী ড০ হিমন্ত বিশ্ব শর্মাই অৰুণোদয় আঁচনিৰ ক্ষেত্রত কঠোৰ নির্দেশনা প্রদান কৰাৰ পাছতো ওপৰ ডুমডুমীয়া গাঁও পঞ্চায়তত সংঘটিত এই ঘটনাই তীব্র প্রতিক্রিয়াৰ সৃষ্টি কৰিছে ।

Share This