আজি কৃষক শ্বহীদ দিৱস, ব্ৰিটিছৰ অন্যায়ৰ বিৰুদ্ধে সাহসেৰে যুঁজি প্ৰাণ আহুতি দিয়া ১৪০ বীৰলৈ শ্ৰদ্ধাঞ্জলি

Kakali Deka January 28, 2025

ডিজিটেল ডেস্কঃ পথৰুঘাটৰ ঐতিহাসিক কৃষক বিদ্ৰোহৰ ১৩১ বছৰ। পথৰুঘাটৰ ৰণৰ শ্বহীদসকলৰ স্মৃতিত প্ৰতিবছৰে পাথৰিঘাটত পালন কৰি অহা হৈছে কৃষক শ্বহীদ দিৱস।

 ঐতিহাসিক কৃষক বিদ্ৰোহৰ ১৩১ বছৰ।  ব্ৰিটিছৰ বিৰুদ্ধে প্ৰতিবাদ কৰিবলৈ গৈ প্ৰাণ আহুতি দিয়া কৃষক শ্বহীদসকলক স্মৰণ কৰা হয় আজিৰ দিনটোতে। 

১৮৯৪ চনৰ ২৮ জানুৱাৰীত অসমৰ দৰং জিলাৰ পথৰুঘাটত স্থানীয় কৃষকসকলে মাটিৰ খাজনা বৃদ্ধিৰ প্ৰতিবাদ কৰিছিল। প্ৰতিবাদকাৰী কৃষকৰ ওপৰত ব্ৰিটিছে গুলীচালনা কৰাৰ ফলত ১৪০জন কৃষক শ্বহীদ হৈছিল। 

পথৰুঘাটত সংঘটিত হোৱা এই বিদ্ৰোহকে পথৰুঘাটৰ ৰণ বুলি কোৱা হয়। ইষ্ট ইণ্ডিয়া কোম্পানীৰ কু-শাসনৰ বিৰুদ্ধে এক ঐতিহাসিক বিদ্ৰোহ আছিল পথৰুঘাটৰ কৃষক বিদ্ৰোহ। পথৰুঘাটত ঘটা এই ঘটনাক বুৰঞ্জীত ‘পথৰুঘাটৰ ৰণ’ হিচাপে জনা যায়। পথৰুঘাটৰ কৃষক ৰাইজৰ এই চৰম ত্যাগ ভাৰতৰ স্বাধীনতা সংগ্ৰামৰ বুৰঞ্জীত এক অবিস্মৰণীয় অধ্যায়। 

কিন্তু ব্ৰিটিছৰ বিৰুদ্ধে যুঁজ দি আত্মত্যাগ কৰা কৃষক শ্বহীদে প্ৰকৃতাৰ্থত পালে নে স্বীকৃতি ? ১৩১ বছৰ পাছতো অৱহেলিত হৈ ৰ'ল নেকি ব্ৰিটিছৰ বিৰুদ্ধে যুঁজ দি প্ৰাণ দিয়া সাতকুৰি কৃষক। সততে উত্থাপন হৈ আহিছে এই প্ৰশ্নৰো…

Share This