ৰামধেনু সাহিত্য চক্ৰৰ সাহিত্য মেল

Kakali Deka January 22, 2025

ডিজিটেল ডেস্ক: দৰং জিলাৰ নামখলাকেন্দ্ৰিক বৃহত্তৰ অঞ্চলৰ সাহিত্য-সাংস্কৃতিক-সামাজিক সংস্থা ৰামধেনু সাহিত্য চক্ৰৰ উদ্যোগত সাহিত্য মেল আৰু বাৰ্ষিক মুখপত্ৰ ‘ৰামধেনু’ উন্মোচনৰ আয়োজন কৰা হৈছে৷ অহা ২৬ জানুৱাৰীত গণৰাজ্য দিৱসৰ লগত সংগতি ৰাখি নামখলা বজাৰ ব্যৱসায়ী সন্থাৰ স্থায়ী কাৰ্যালয়ত আয়োজিত অনুষ্ঠানত চক্ৰৰ বাৰ্ষিক মুখপত্ৰ ৰামধেনুকে প্ৰমুখ্য কৰি কেইবাখনো গ্ৰন্থ উন্মোচনৰ লগতে একাধিক বিষয়ৰ ওপৰত মনোজ্ঞ অভিমত আগবঢ়োৱা হ’ব৷

সেইদিনা দুপৰীয়া বিশিষ্ট লেখক জিতুমণি শৰ্মাৰ ‘সীমাহীন অতীত’ শীৰ্ষক উপন্যাস উন্মোচনেৰে অনুষ্ঠান আৰম্ভ কৰা হ’ব৷ ‘মই কিয় লিখোঁ’, ‘মোৰ কবিতাৰ নেপথ্য’, ‘মোৰ গদ্য ৰচনাৰ যাত্ৰা’ আৰু সৰ্বভাৰতীয় কথা গল্প বঁটা বিজয়ী গল্পকাৰ জয়ন্ত চক্ৰৱৰ্তীৰ গ্ৰন্থ ‘ভূপেন হাজৰিকা লাইভ আৰু অন্যান্য’ৰ বিষয়ে অভিমত আগবঢ়াব ক্ৰমে বিশিষ্ট গল্পকাৰ-শিক্ষয়িত্ৰী তৃষ্ণামণি ডেকা, কবি-শিক্ষয়িত্ৰী সংগীতা বৰুৱা, লেখিকা লভিতা চহৰীয়া আৰু ওদালগুৰিৰ অৰ্চনা ৰাভাই৷ চক্ৰৰ বাৰ্ষিক মুখপত্ৰ ‘ৰামধেনু’ উন্মোচন কৰিব দৰং জিলা সাহিত্য সভাৰ প্ৰাক্তন উপ-সভাপতি, বিশিষ্ট লেখিকা বৰদা শইকীয়াই৷

Share This