চাকৰি দিয়াৰ নামত ধন সংগ্ৰহ কৰি আৰক্ষীৰ জালত পৰা সংগঠনৰ দুই নেতাৰ বিস্ফোৰক স্বীকাৰোক্তি 

Kakali Deka February 13, 2025

ডিজিটেল ডেস্কঃ অসম চৰকাৰৰ তৃতীয় আৰু চতুৰ্থ বৰ্গৰ চাকৰি দিয়াৰ নামত দুই নেতাই লাখ লাখ টকা সংগ্ৰহ কৰাৰ ভয়ংকৰ অভিযোগ উত্থাপন হৈছে। ধৃত দুই হৈছে দিব্যাংগ মঞ্চ অসমৰ নেতা ছেমিম আহমেদ আৰু নৱজিত বৰ্মন। ভাইৰেল হৈছিল ধন বিচাৰি ফ'ন কৰা কল ৰেকৰ্ডিং। 

চাকৰি দিয়াৰ নামত ধন সংগ্ৰহ কৰি আৰক্ষীৰ জালত পৰি সংগঠনৰ দুই নেতাৰ বিস্ফোৰক স্বীকাৰোক্তি ৷ অসম চৰকাৰৰ তৃতীয় আৰু চতুৰ্থ বৰ্গৰ চাকৰি দিয়াৰ নামত ২ৰ পৰা  ৫ লাখ টকাকৈ সংগ্ৰহ কৰিছিল ধন ৷ ছেমিমৰ ম'বাইলত ADRE ৰ বহু এডমিড কাৰ্ড লাভ কৰিছে আৰক্ষীয়ে‌ ৷ ADRE তৃতীয় আৰু চতুৰ্থ বৰ্গৰ ৩০জনৰো অধিক চাকৰি প্ৰত্যাশীৰ পৰা সংগ্ৰহ কৰিছিল ধন ৷

চৰকাৰে পৰীক্ষাৰ দ্বাৰা প্ৰদান কৰা চাকৰিৰ নামত এখন বৃহৎ বজাৰ চলোৱাৰ অভিযোগ এটা সংগঠনৰ দুই সভাপতি-সম্পাদকৰ বিৰুদ্ধে । দিব্যাংগ প্ৰাৰ্থীক চাকৰি প্ৰদানৰ নামত দুইৰ পৰা চাৰি লাখলৈকে ধন লৈ বিলাসী জীৱন কটোৱাৰ অভিযোগ এই দুই নেতাৰ বিৰুদ্ধে । দিব্যাংগৰ বাবে সংৰক্ষিত পদত চাকৰি দিয়াৰ প্ৰলোভন দি লাখ লাখ টকা সৰকাইছিল এই দুই ভণ্ড নেতাই । অৱশেষত আৰক্ষীৰ জালত পৰিল দুই নেতা ।

আনকি গুৱাহাটী বিশ্ববিদ্যালয়ত তৃতীয় বৰ্গত চাকৰি দিয়াৰ নামতো সংগ্ৰহ কৰিছিল ধন ৷ ছেমিমক চাকৰিৰ বাবে দিয়া ১ লাখটকীয়া চেক লাভ  কৰিছে আৰক্ষীয়ে ৷ অন্য চাকৰি প্ৰাৰ্থীৰ পৰা নগদ ধন বিচাৰি ফ'ন কৰা বহুত কল ৰেকৰ্ডিং লাভ কৰিছে আৰক্ষীয়ে ৷

চাকৰি দিয়া নামত তিনিটা কিস্তিত এজন প্ৰাৰ্থীৰ পৰা সংগ্ৰহ কৰিছিল ধন ৷ চাকৰিৰ নামত দালালি কৰি পোৱা ধনেৰে ছেমিমে ২ মাহৰ আগত ২০ লাখটকীয়া এখন বিলাসী বাহনো ক্ৰয় কৰিছিল ৷

 

উৎস প্ৰাগ নিউজ ডিজিটেল

Share This