মধ্যপ্রদেশত ভূমি বিবাদক লৈ শিলগুটিৰে জীৱন্তে পুতিলে দুগৰাকী মহিলাক

Digital desk July 23, 2024

ডিজিটেল ডেস্কঃ এক ভূমি বিবাদৰ ফলত উদ্ভৱ হোৱা পৰিস্থিতিত মধ্য প্রদেশৰ ৰেৱা জিলাৰ হিনৌতা গাঁৱত এখন ডাম্পাৰৰ পৰা পেলোৱা শিলগুটিৰে এগৰাকী মহিলাক কঁকাললৈকে আৰু আনগৰাকীক ডিঙিলৈকে পুতি পেলায়। পাছত স্থানীয় লোকে মহিলাদুগৰাকীক উদ্ধাৰ কৰে যদিও এগৰাকী অচেতন হৈ পৰে আৰু চিকিৎসালয়ত ভর্তি কৰাব লগীয়া হয়। 

এন ডি টিভিৰ বাতৰি মতে এটা পথ নির্মাণ প্ৰকল্পৰ কামৰ সময়তে মাংগৱা আৰক্ষী থানাৰ অধীনৰ গাঁওখনত উক্ত মহিলাদুগৰাকীয়ে প্রতিবাদ কৰাৰ সময়ত এই ঘটনা সংঘটিত হয়। মহিলা দুগৰাকীয়ে পথ নিৰ্মাণৰ প্রতিবাদ জনাই দাবী কৰে যে উক্ত মাটি তেওঁলোকক লীজত দিয়া হৈছিল। তেওঁলোকৰ কথা আওকাণ কৰি ডাম্পাৰৰ চালকে স্থানীয় মাতব্বৰৰ নিৰ্দেশত তেওঁলোকৰ গাৰ ওপৰতে শিলগুটি পেলাই দিয়ে।

Share This