খৰাঙৰ পাছত এইবাৰ শুঁৰ পোকৰ তাণ্ডৱ

dainik janambhumi August 10, 2025

ডিজিটেল ডেস্ক : লখিমপুৰ জিলাৰ বিভিন্ন প্ৰান্তত প্ৰবল খৰাঙৰ পাছত শুঁৰ পোকে চলাইছে তাণ্ডৱ। নিশাটোৰ ভিতৰতে শুঁৰ পোকে এফালৰ পৰা কৃষকৰ কৃষিভূমি চচ্‌নচ্ কৰিছে। এনে পৰিস্থিতিত কৃষক ৰাইজে এইবাৰ শুঁৰ পোকৰ তাণ্ডৱৰ পৰা পৰিত্ৰাণ বিচাৰি শৰণাপন্ন হয় অদৃষ্টজনৰ ওচৰত। জিলাখনৰ লখিমপুৰৰ তেলাহী বান্তৌৰ পথাৰত দেখা গ'ল কৃষকৰ এই ব্যতিক্রমী দৃশ্য। 

উল্লেখযোগ্য যে দীর্ঘদিনে জিলাখনৰ ভিন্ন প্ৰান্তৰ পথাৰত অব্যাহত আছে শুঁৰ পোকৰ ভয়াৱহ তাণ্ডৱ। হেক্টৰ হেক্টৰ ধাননি পথাৰ নিঃশেষ হৈ গৈছে নিশাটোৰ ভিতৰতে। নিজৰ খৰচত ঔষধ ক্ৰয় কৰি পথাৰত ছটিওৱাৰ উপৰি চৰকাৰীভাৱেও যোগান ধৰা হৈছে ঔষধ। কিন্তু তাৰ পাছতো কমা নাই শুঁৰ পোকৰ তাণ্ডৱ। 

সেয়ে বান্তৌ গাঁৱৰ আইসকলে শনিবাৰে পথাৰতে ভোগ প্ৰস্তুত কৰি আগবঢ়ালে অদৃষ্টজনলৈ, কৰিলে কাকুতি- মিনতি অদৃষ্টজনক। তেওঁলোকৰ আশা- অদৃষ্টজনে কৃপা কৰিব তেওঁলোকক।

Share This