শিমলাগুৰিত বাক্সা আৰক্ষীৰ অভিযান- পুষ্পা চিনেমাৰ কায়দাৰে কাঠৰ ব্যৱসায়, কিন্তু বিফল হ’ল অসমৰ পুষ্পা

Rashmi March 24, 2025

ডিজিটেল ডেস্ক : বাক্সা জিলা তথা বৰপেটা ৰোডৰ সমীপৰ শিমলাগুৰিত বাক্সা আৰক্ষীৰ অভিযান । ২৭নং ৰাষ্ট্ৰীয় ঘাইপথত এখন ট্ৰেইলৰৰ পৰা জব্দ বৃহৎ পৰিমানৰ মূল্যৱান কাঠ । 

পুস্পা চিনেমাৰ কায়দাৰে কাঠসমূহ সৰবৰাহৰ সময়তে শিমলাগুৰি আৰক্ষীয়ে অভিযান চলাই জব্দ কৰে কাঠখিনি । অভিৱন পন্থাৰে NL 01 AC 8026 নম্বৰৰ এখন বৃহৎ ট্ৰেইলাৰত চিৰাং জিলাৰ কাজলগাঁৱৰ পৰা গুৱাহাটীৰ সোণাপুৰলৈ সৰবৰাহৰ সময়তে গোপন সূত্ৰৰ পম খেদি জব্দ কৰে কাঠসমূহ ।

ৰঙা চন্দন নহয়, চেগুন কাঠ আছিল বাক্সা আৰক্ষীয়ে অভিযানত জব্দ কৰা বৃহৎ পৰিমাণৰ কাঠখিনি ৷ উল্লেখ্য যে বাক্সা জিলাৰ শিমলাগুৰিত বাক্সা আৰক্ষীৰ অভিযানত দেওবাৰে জব্দ কৰা হৈছিল এখন ট্ৰেইলাৰত সৰবৰাহ কৰা বৃহৎ পৰিমাণৰ কাঠৰ টুকুৰা ।

এইফালে, ঘটনাস্থলীত শালবাৰী মহকুমা দণ্ডাধীশ নীলাংকৰ দাস, শালবাৰী মহকুমা আৰক্ষী বিষয়া দেৱাশিস কায়স্থ উপস্থিত হৈ কাঠভৰ্তি ট্ৰেইলাৰখন জব্দ কৰে । 

ট্ৰেইলাৰখনত চালক উপস্থিত নথকাৰ বাবে আৰক্ষীয়ে তলা ভাঙি উদ্ধাৰ কৰে কাঠখিনি । সম্প্ৰতি শালবাৰী বনাঞ্চলিক কাৰ্যালয়ত জব্দকৃত কাঠসহ ট্ৰেইলাৰখন ।

উৎস: প্ৰাগ নিউজ ডিজিটেল

Share This