নতুন বছৰৰ প্ৰাকক্ষণত মুখ্যমন্ত্রীয়ে দিলে তথ্য, ৰাজ্যত ব্যাপক হাৰত হ্রাস পাইছে অপৰাধ

dainik janambhumi December 15, 2025

ডিজিটেল ডেস্কঃ বছৰটোৱে বাগৰ সলাবলৈ মাজত আৰু মাত্ৰ কেইটামান সপ্তাহৰ অপেক্ষা। পুৰণি বছৰটোৱে বিদায় ল'ব আহিব আন এটি নতুন বছৰ। নতুন বছৰৰ প্রাক্‌ক্ষণত ৰাজ্যৰ মুখ্যমন্ত্রী ড° হিমন্ত বিশ্ব শর্মাই দিছে এক ভাল খবৰ। 

ৰাজ্যত হ্রাস পাইছে অপৰাধজনিত ঘটনা। ইয়াৰ বিপৰীতে বাঢ়িছে দোষী সাব্যস্ত হোৱাৰ হাৰ আৰু অভিযোগনামাৰ হাৰ। ফে'চবুক প'ষ্টযোগে মুখ্যমন্ত্রীয়ে এই কথা সদৰী কৰি কয় যে শক্তিশালী আৰক্ষী-প্রশাসন ব্যৱস্থাৰ জৰিয়তে পৰিৱৰ্তিত হৈছে অসম। পূর্বতে যিখন অসমত অপৰাধৰ হাৰ আছিল উচ্চ, অভিযোগনামাৰ হাৰ আছিল দুৰ্বল, সেইখন অসমত আজি অপৰাধৰ হাৰ, অপৰাধ সাব্যস্তৰ হাৰ হৈছে নিম্ন। আনহাতে, অপৰাধ নিয়ন্ত্ৰণৰ ক্ষেত্ৰত আমি লোৱা পদক্ষেপৰ জৰিয়তে ভৱিষ্যতৰ দিনত এখন সম্পূর্ণ সুস্থিৰ অসম নিৰ্মাণ কৰিবলৈ অহোপুৰুষাৰ্থ কৰিম বুলিও মুখ্যমন্ত্ৰীগৰাকীয়ে উল্লেখ কৰে। 

মুখ্যমন্ত্ৰীগৰাকীয়ে দিয়া তথ্য অনুসৰি,পূৰ্বতে উচ্চ হাৰত থকা অপৰাধৰ বিপৰীতে এতিয়া অপৰাধৰ হাৰ প্ৰতি লাখ জনসংখ্যাৰ বিপৰীতে ১২৭.৬টা। পূৰ্বে ইয়াৰ হাৰ আছিল প্রতি লাখ জনসংখ্যাৰ বিপৰীতে ৩৭৯টা অপৰাধজনিত ঘটনা। অপৰাধত দোষী সাব্যস্তৰ হাৰ এতিয়া ২৫ শতাংশলৈ বৃদ্ধি পোৱাৰ বিপৰীতে পূৰ্বতে আছিল ৫.৫ শতাংশ। তেনেদৰে বৰ্তমান ৭৫.৫ শতাংশ চার্জশ্বীট দাখিল কৰাৰ বিপৰীতে পূর্বতে দাখিল হৈছিল মাত্র ৪৭.৮ শতাংশ চার্জশ্বীট। উল্লেখযোগ্য যে ৰাজ্য চৰকাৰৰ নেতৃত্বত অপৰাধীক নাকী লগাবলৈ তৎপৰ হৈ পৰিছে আৰক্ষী-প্রশাসন। চাইবাৰ অপৰাধকে ধৰি অনান্য অপৰাধমূলক কার্যকলাপ ৰোধ কৰিবলৈ ৰাজ্যত চৰকাৰ তথা আৰক্ষী-প্ৰশাসনৰ দ্বাৰা বিভিন্ন পদক্ষেপ গ্রহণ কৰা হৈছে।

Share This