অসমত দেশৰ প্ৰথমখন দিব্যাংগ বিশ্ববিদ্যালয় স্থাপনৰ বাবে কেন্দ্ৰৰ ওচৰত অনুৰোধ অসম চৰকাৰৰ 

Kakali Deka February 10, 2025

ডিজিটেল ডেস্কঃ ভাৰতৰ প্ৰথমখন দিব্যাংগ বিশ্ববিদ্যালয় অসমত স্থাপন কৰিবৰ বাবে কেন্দ্ৰক অনুৰোধ জনাইছে ৰাজ্য চৰকাৰে।  অসমৰ সামাজিক ন্যায় আৰু সৱলীকৰণ মন্ত্ৰী পীযুষ হাজৰিকাই কেন্দ্ৰীয় সামাজিক ন্যায় আৰু সৱলীকৰণ মন্ত্ৰী বীৰেন্দ্ৰ কুমাৰক সাক্ষাৎ কৰি অনুৰোধ জনাই অসমত দিব্যাংগ বিশ্ববিদ্যালয় স্থাপনৰ বাবে অনুৰোধ কৰে।

উল্লেখ্য যে কেন্দ্ৰীয় সামাজিক ন্যায় আৰু সৱলীকৰণ মন্ত্ৰী ড° বীৰেন্দ্ৰ কুমাৰৰ সৈতে মন্ত্ৰী পীয়ূষ হাজৰিকাই দেশৰ প্ৰথমখন দিব্যাংগ বিশ্ববিদ্যালয় অসমত স্থাপনৰ বাবে আলোচনাৰ কৰা সন্দৰ্ভত মন্ত্ৰী গৰাকীক ধন্যবাদ জনাই প্ৰতিবন্ধী সুৰক্ষা সন্থা অসমৰ প্ৰতিবন্ধী সুৰক্ষা সন্থা অসমৰ সাধাৰণ সম্পাদক নৃপেন মালাকাৰে৷ তেওঁ ২০১৮ চনতে বিশ্ববিদ্যালয়খন স্থাপনৰ বাবে আবেদন জনাইছিল আৰু প্ৰতিবন্ধী সুৰক্ষা সন্থাৰ আহ্বানৰ প্ৰতি সঁহাৰি জনাই কেন্দ্ৰীয় চৰকাৰে বিষয়টো আলোচনা কৰা বুলি জনাইছিল৷ সেই সময়তে অসমত দিব্যাংগ বিশ্ববিদ্যালয় স্থাপনৰ বাবে অসম চৰকাৰক ভূমি আবণ্টন কৰিবলৈও আহ্বান জনোৱা হৈছিল৷

এতিয়া নৃপেন মালাকাৰৰ আহ্বান যে মন্ত্ৰী গৰাকীয়ে বিশ্ববিদ্যালয়খন স্থাপনৰ ভূমি আৱণ্টন দি এই কাম সোনকালে কৰিব পৰাকৈ ব্যৱস্থা গ্ৰহণ কৰে৷

পীযূষ হাজৰিকাই এই সন্দৰ্ভত কয় যে এই প্ৰতিষ্ঠানটোৱে শিক্ষা, দক্ষতা বিকাশৰ জৰিয়তে বিশেষভাৱে সক্ষম লোকসকলক সৱলীকৰণ কৰিব বুলি ৰাজ্য চৰকাৰৰ বিশ্বাস। লগতে জাতি-নিৰ্মাণ আৰু সমাজৰ প্ৰগতিৰ ক্ষেত্ৰতো উল্লেখযোগ্য অৱদান আগবঢ়াব বুলি আশা প্ৰকাশ কৰে মন্ত্ৰীগৰাকীয়ে। কেন্দ্ৰীয় মন্ত্ৰীগৰাকীয়ে অসম চৰকাৰৰ অনুৰোধ গুৰুত্ব সহকাৰে লোৱা বুলিও উল্লেখ কৰিছে মন্ত্ৰীগৰাকীয়ে।

ইফালে পীযূষ হাজৰিকাই প্ৰধানমন্ত্ৰীৰ অনুসূচিত জাতি অভ্যুদয় আঁচনিৰ কেন্দ্ৰীয় পৰামৰ্শদাতা সমিতিৰ প্ৰথমখন বৈঠকতো অংশগ্ৰহণ কৰে। এই বৈঠকত মন্ত্ৰীগৰাকীয়ে কেন্দ্ৰীয় মন্ত্ৰীক অসম তথা উত্তৰ-পূব অঞ্চলৰ বাবে পি এম-এ.জে.এ.ৱাইৰ অধীনত হোষ্টেল স্থাপনৰ বাবেও অনুৰোধ জনাই বুলি উল্লেখ কৰে।

(উৎস, প্ৰাগ নিউজ ডিজিটেল)

Share This